Konvenju

Aġġornat l-aħħar: 15/05/2020

1) Sibt żball fin-notifika tal-Konvenju, x’jista’ jsir?

Wieħed għandu jinforma lin-Nutar sabiex jikkoreġi l-iżball.

2) Irrid nivverifika jekk il-konvenju tiegħi ġiex irreġistrat In-Nutara jkollhom 21 jum biex jirreġistraw il-ftehim.
Notifika tal-konvenju tintbagħat liż-żewġ partijiet u lin-Nutar. Jekk ma rċevejt l-ebda notifika jekk jogħġbok iċċekkja man-Nutar.

3) Għandi konvenju pendenti u biddilt l-indirizz residenzjali tiegħi

Jekk jogħġbok informa lill-Capital Transfer Duty Division permezz ta’ [email protected], is-suġġett tal-email għandu jkun PoS Bidla fl-Indirizz u kkwota n-numru PoS fil-parti ta’ fuq tan-notifika.

4) Irrid niċċekkja kemm għandi nħallas taxxa tal-boll provviżorja

It-taxxa tal-boll provviżorja tiġi kkalkulata b’20% tat-taxxa tal-boll finali dovuta. Jekk jogħġbok ikkuntattja lin-Nutar tiegħek għal kjarifiki tal-ammonti eżatti dovuti, peress li dawn jistgħu jvarjaw minħabba diversi fatturi.

5) Irċevejt ittra b’fuljett dwar iċ-ċertifikat tal-prestazzjoni tal-enerġija

L-ittra hija konferma tar-reġistrazzjoni ta’ konvenju li inti ffirmajt ma’ partijiet terzi. Il-fuljett ifakkrek li meta tiffirma l-kuntratt, inti obbligat bil-liġi li tippreżenta ċertifikat tal-EPC mal-bejgħ.