Brexit għan-Negozju – Il-Perjodu ta’ Tranżizzjoni

Brexit għan-Negozju – Il-Perjodu ta’ Tranżizzjoni
BREXIT – Id-Dipartiment tad-Dwana jħabbar il-proċedura Doganali li għandha tiġi segwita matul il-perjodu ta’ “tranżizzjoni”.

Ir-Renju Unit se joħroġ mill-Unjoni Ewropea (UE) fil-31 ta’ Jannar 2020. Il-Gvern tar-Renju Unit għandu mandat biex jinnegozja ftehim kummerċjali ġdid mal-UE sal-31 ta’ Diċembru 2020.

Dan se jwassal biex ir-Renju Unit se jidħol f’perjodu ta’ tranżizzjoni ta’ 11-il xahar biex iħejji għar-relazzjoni l-ġdida tiegħu mal-UE.

X’jinvolvi l-perjodu ta’ tranżizzjoni ta’ 11-il xahar?

Ir-Renju Unit se jidħol f’perjodu hekk imsejjaħ “tranżizzjoni” sal-31 ta’ Diċembru 2020. Għalkemm ir-Renju Unit mhux se jibqa’ membru tal-UE, ir-relazzjoni kummerċjali matul dan il-perjodu se tibqa’ l-istess u se tkompli ssegwi r-regoli tal-UE. Dan ifisser li mhux se jkun hemm Fruntiera doganali bejn ir-Renju Unit u l-UE sal-31 ta’ Diċembru 2020 u li l-moviment liberu attwali tal-merkanzija bejn ir-Renju Unit u l-UE se jibqa’.

It-“tranżizzjoni” għandha l-għan li tippermetti lir-Renju Unit u lill-UE jidħlu f’negozjati ġodda biex jiddefinixxu r-relazzjoni futura tagħhom.

Ftehim ta’ kummerċ ħieles mhux neċessarjament jelimina l-kontrolli kollha bejn ir-Renju Unit u l-UE wara li jintemm il-perjodu ta’ tranżizzjoni.

Tħejjijiet possibbli mis-settur tal-kummerċ

Numru EORI

Id-Dipartiment tad-Dwana għal darb’oħra qed jappella lil dawk l-operaturi ekonomiċi li jew jagħmlu kummerċ mar-Renju Unit biss, jew jagħmlu kummerċ esklussivament mar-Renju Unit u l-UE, biex jikkunsidraw li jirreġistraw u jiksbu numru tar-Reġistrazzjoni u tal-Identifikazzjoni tal-Operaturi Ekonomiċi (EORI) biex ikunu jistgħu jippreżentaw dikjarazzjonijiet għall-importazzjonijiet u l-esportazzjonijiet tagħhom (il-perjodu ta’ wara t-tranżizzjoni). L-operaturi ekonomiċi jistgħu jibdew il-proċess ta’ reġistrazzjoni tal-EORI billi jibagħtu email lil: [email protected].

Aktar dettalji jistgħu jinkisbu permezz tal- link

Operatur Ekonomiku Awtorizzat

Id-Dipartiment tad-Dwana jixtieq ukoll, għal darb’oħra, iħeġġeġ lill-operaturi ekonomiċi biex japplikaw għall-istatus ta’ Operatur Ekonomiku Awtorizzat (AEO). Hemm diversi inċentivi għall-faċilitazzjoni tal-kummerċ li l-AEOs jistgħu jibbenefikaw minnhom. Informazzjoni addizzjonali tista’ tinstab fuq is-sit web tad-Dipartiment tad-Dwana – www.mtca.gov.mt taħt it-tab tan-“Negozji u Kummerċ” u t-tab “Operaturi Ekonomiċi Awtorizzati”.

Taħriġ

Id-Dipartiment tad-Dwana għal darb’oħra qed iġedded l-offerta tiegħu lil dawk l-operaturi ekonomiċi li jew jagħmlu kummerċ mar-Renju Unit biss, jew jagħmlu kummerċ esklussivament mar-Renju Unit u l-UE. L-applikazzjonijiet f’dan ir-rigward, għandhom jintbagħtu b’email lit-Taqsima tat-Taħriġ tad-Dwana fuq [email protected] .

Ħejji l-kumpanija tiegħek għall-#Brexit bil-gwida tagħna għan-negozji. #Prepare4Brexit

Ikklikkja fuq il-link li ġejja għal aktar informazzjoni https://t.co/2ntBJ4U0PE pic.twitter.com/HgKIL0aWfQ

— EU Tax & Customs 🇪🇺 (@EU_Taxud) October 9, 2019

Links utli

Kif tipprepara għall-Brexit, Gwida tad-Dwana għan-Negozji

Lista ta’ Kontroll tal-Brexit għan-Negozji

Xi jfisser il-Brexit għan-negozju tiegħi?