Individwi
Individwi b’Impjieg Indipendenti
Sistema tal-FSS
Pensjonanti
Taxxi tal-Proprjetà
Wirt
Trasferimenti ta’ Ishma
Affarijiet Legali u Tekniċi
Taxxa Korporattiva
Affarijiet Internazzjonali
Sistema tal-FSS
Sħubijiet
Individwi
Negozju
Sistemi Elettroniċi
Approvazzjoni minn Dipartimenti Oħra
Saħħa tal-pjanti
Id-Direttorat għall-Ħarsien tal-Pjanti huwa responsabbli għall-aspetti tas-saħħa tal-pjanti fl-arranġamenti tal-importazzjoni u l-esportazzjoni applikabbli għall-pjanti u l-materjal ta’ propagazzjoni tagħhom, il-pesti tal-pjanti, il-prodotti tal-pjanti u l-materjal għat-tkabbir li jidħlu f’Malta. L-għan ta’ din il-ħidma huwa l-prevenzjoni primarjament tat-tixrid u l-introduzzjoni ta’ pesti ta’ kwarantina ta’ materjal tal-pjanti u tal-prodotti tal-pjanti, iżda wkoll ta’ pesti u mard li jaffettwaw il-kwalità ta’ dawn il-pjanti, u l-promozzjoni ta’ miżuri xierqa għall-kontroll tagħhom.
Għalhekk, l-oġġetti kollha li jeħtieġ li jiġu spezzjonati mid-direttorat tas-saħħa tal-pjanti jeħtieġu approvazzjoni mid-dipartiment iddikjarat sabiex id-Dwana tkun tista’ tirrilaxxa l-oġġetti f’ċirkolazzjoni libera.
Sir af aktar
Id-Direttorat għas-Saħħa Ambjentali
Id-Dwana tista’ tirrilaxxa dawn l-oġġetti għaċ-ċirkolazzjoni libera wara spezzjoni mid-Direttorat għas-Saħħa Ambjentali. Din it-Taqsima hija responsabbli għall-kontroll tal-importazzjoni tal-oġġetti tal-ikel kollha importati, inklużi:
- Annimali ħajjin; Laħam aħmar frisk u prodotti tal-laħam; Laħam tat-tjur u prodotti tal-laħam tat-tjur;
- Laħam tal-fenek, laħam tal-kaċċa (selvaġġa/imrobbija) u l-prodotti tagħhom;
- Prodotti tal-ħut, ħut frisk u ffriżat u prodotti tas-sajd niexfa u/jew immellħa;
- Bajd sħiħ, prodotti tal-bajd, bajd għat-tifqis;
- Xaħam u xaħmijiet imdewba;
- Budellat tal-annimali;
- Ħalib u prodotti tal-ħalib għall-konsum mill-bniedem jew le;
- Proteina pproċessata tal-annimali;
- Għasel;
- Semen;
- Embrijuni/ova;
- Trofej tal-kaċċa;
- Demel;
- Ġelatina;
- Saqajn taż-żrinġijiet u bebbux;
- Għadam u prodotti tal-għadam;
- Ġlud;
- Lanżit, suf, xagħar, rix;
- Qrun, prodotti tal-qrun, qwieqeb u prodotti tal-qwieqeb;
- Prodotti tal-apikultura;
- Ikel ipproċessat għall-annimali domestiċi;
- Materja prima għall-manifattura tal-ikel għall-annimali domestiċi;
- Materja prima, demm, prodotti tad-demm, glandoli u organi għall-użu farmaċewtiku;
- Prodotti tad-demm għall-użu tekniku;
- Patoġeni; u
- Ħuxlief u tiben.
L-Awtorità ta’ Malta għall-Kompetizzjoni u għall-Affarijiet tal-Konsumatur (Malta Competition and Consumer Affairs Authority – MCCAA)
L-importaturi għandhom irwol vitali fis-sigurtà tal-prodott; billi naħdmu flimkien, aħna lkoll nistgħu ngħinu biex innaqqsu l-korriment, il-mard u l-mewt relatati ma’ oġġetti mhux siguri. Għalhekk, jekk nifhmu d-dettalji tar-rekwiżiti ta’ kwalunkwe regolament rilevanti li japplika għal-linji tal-prodotti u niskopru liema twissijiet, informazzjoni u dokumentazzjoni obbligatorji, jekk hemm, jeħtieġ li jitpoġġew fuq jew mal-prodott qabel ma jitqiegħed fis-suq, jgħinna nipproteġu d-drittijiet tal-konsumaturi.
Post ta’ Spezzjoni fil-Fruntiera (Border Inspection Post – BIP)
Il-kontejners kollha li jkun fihom ikel b’kontenut li joriġina mill-annimali li ġejjin minn Pajjiżi Terzi u li huma destinati għal Stati Membri oħra jeħtieġ li jiġu spezzjonati mid-Diviżjoni għar-Regolazzjoni Veterinarja tal-Ikel (Food Veterinary Regulation Division – FVRD) tad-Dipartiment għall-Agrikoltura u s-Sajd.
Sabiex il-kunsinna tiegħek tiġi approvata mid-Dwana u rilaxxata għaċ-ċirkolazzjoni libera jrid ikollok ċertifikat CVED (dokument veterinarju komuni għad-dħul) ivvalidat.
Għall-annimali ħajjin, il-kunsinni jridu jkunu akkumpanjati mid-dokumentazzjoni xierqa bħal ċertifikati veterinarji maħruġa mill-veterinarju uffiċjali fil-pajjiż tal-oriġini jew liċenzji tal-importazzjoni.
Id-Dipartiment tal-Kummerċ
L-importazzjoni ta’ ċerti oġġetti hija soġġetta għal liċenzja tal-importazzjoni maħruġa mid-Direttorat għas-Servizzi relatati mal-Kummerċ. Jekk jogħġbok irreferi għar-Regolamenti dwar il-Kontroll tal-Importazzjoni, 2004 (L.S. 242 tal-2004) għal lista sħiħa ta’ oġġetti li jeħtieġu liċenzja tal-kummerċ.
L-esportazzjoni ta’ ċerti prodotti bażiċi hija soġġetta wkoll għal awtorizzazzjoni ta’ esportazzjoni mid-Direttorat għas-Servizzi mal-Kummerċ. Dawn il-prodotti bażiċi jinkludu tagħmir militari, oġġetti li għandhom użu doppju, antikitajiet u prodotti jew oġġetti ta’ valur storiku, karrettuni, kabini u karrozzelli, ġebla Maltija u oġġetti magħmula minnha, djamanti mhux maħduma u ċerti prodotti petroliferi.
Esportazzjoni ta’ Oġġetti li għandhom Użu Doppju
Esportazzjoni ta’ Tagħmir Militari
Esportazzjoni ta’ Oġġetti Oħra
Sovrintendenza tal-Patrimonju Kulturali
L-oġġetti li jaqgħu fi ħdan il-Kapitolu 97 tan-Nomenklatura Magħquda (Xogħlijiet tal-Arti, Biċċiet tal-Kollezzjoni u Antikitajiet) jistgħu jirrikjedu l-approvazzjoni jew spezzjoni mis-Sovrintendenza tal-Patrimonju Kulturali, li t-tariffi tal-eżami tagħhom huma stabbiliti fl-L.S. 35.03 u CAP 445.
Ara wkoll il-Leġiżlazzjoni tal-Patrimonju Kulturali - https://schmalta.mt/legislation/# u https://schmalta.mt/movement-of-cultural-heritage-items/
Informazzjoni relatata mal-Brexit
Brexit - Id-Dipartiment
Brexit - UGEA001
CITES
CITES tirregola l-kummerċ internazzjonali f’kampjuni ta’ speċijiet ta’ fawna u flora selvaġġi, jiġifieri l-esportazzjoni, l-esportazzjoni mill-ġdid u l-importazzjoni ta’ annimali u pjanti ħajjin u mejtin, u ta’ partijiet u derivattivi tagħhom, abbażi ta’ sistema ta’ permessi u ċertifikati li jistgħu jinħarġu jekk jiġu ssodisfati ċerti kundizzjonijiet u li jridu jiġu ppreżentati qabel ma l-kunsinni tal-kampjuni jitħallew jitilqu minn pajjiż jew jidħlu fih.
Sir af iktar
Is-Segretarjat ta’ CITES ħareġ notifika lill-awtoritajiet tad-Dwana dwar il-moviment mhux awtorizzat ta’ kampjuni elenkati f’CITES minn diplomatiċi.
Sir af iktar
L-Awtorità għall-Ambjent u r-Riżorsi
Il-Kodiċijiet tan-NM li jirrikjedu l-Approvazzjoni tal-Awtorità għall-Ambjent u r-Riżorsi.
Kodiċijiet NM li jirrikjedu l-Approvazzjoni tal-ERA – 13 ta’ Jannar 2010
Kodiċijiet NM li jirrikjedu l-Approvazzjoni tal-ERA – 7 ta’ Ottubru 2010
Rilaxx ta’ Sustanzi
Status Update
The form was submitted successfully!