Individwi b’Impjieg Indipendenti (TA22)

Ir-rata u l-limitu indikati huma applikabbli mill-1 ta’ Jannar 2022.

Jekk għandi impjieg indipendenti fuq bażi part-time kif nista’ nikkwalifika għar-rata ta’ taxxa ta’ 10%?

L-ewwel għandek tissodisfa l-kundizzjoni bażika, jiġifieri trid tkun impjegat full-time, pensjonant jew student/apprendist full-time. Għandek ukoll tissodisfa xi kundizzjonijiet oħra, jiġifieri inti: 

• Tkun irreġistrajt ix-xogħol part-time ma’ Jobsplus.
  
• Ma tkunx tħaddem aktar minn żewġ impjegati (u dawn l-impjegati għandhom ikunu fuq bażi part-time) fl-attività part-time tiegħek
  
• Għandek iżżomm kotba tal-kontijiet kif xieraq.
  
• Trid tagħmel dan ix-xogħol għal kumpanija, organizzazzjoni, intrapriża jew entità li ma tkunx dik ma’ min int impjegat fuq bażi full-time.
  
• Trid tkun irreġistrat għall-VAT (jekk inti obbligat tirreġistra għall-VAT).
  
• Trid tħallas it-taxxa dovuta permezz tal-formola TA22 sat-30 ta’ April tas-sena ta’ wara.
  

X’għandi nagħmel biex inħallas it-taxxa b’10%?

Imla l-formola TA22.

Kun ċert li t-taxxa li tħallas tkopri 10% tal-profitt nett li taqla’ matul is-sena mill-impjieg indipendenti part-time tiegħek. Il-pagament massimu kull sena huwa ta’ €1,200 (10% ta’ €12,000).