Tariffi u Imposti

Servizzi mogħtija fuq Talba tan-Negozjant

Kull Formola 12 għandha tindika l-isem u l-firma tan-negozjant; id-data, il-ħin u l-post eżatti tal-attendenza attwali; l-isem tal-uffiċjal(i) li effettivament ipprovda/ipprovdew is-servizz(i); kif ukoll in-Numru(i) ta’ Referenza Lokali rilevanti (LRN – numru uniku ta’ identifikazzjoni) tal-kunsinni li kienu kkontrollati matul is-servizz speċifiku. Meta jingħata servizz għal kunsinni mhux koperti minn LRN, għandu jiġi elenkat kwalunkwe numru ta’ dokument rilevanti ieħor jew numru tal-kontejner li jappartjeni għal dak is-servizz.

Kif previst ukoll fir-Regolament 35 tal-L.S. 37.05, id-Direttur Ġenerali (tad-Dwana) biss għandu jiddeċiedi dwar in-numru ta’ Uffiċjali Doganali li jwettqu servizzi fuq talba tan-negozjant.   L-għadd ta’ uffiċjali assenjati għas-servizzi speċifiċi huwa kif ġej:

• Rilaxx ta’ oġġetti importati minn Żona/bini tad-Dwana – Uffiċjal tad-Dwana wieħed
• Rilaxx ta’ oġġetti importati fil-bini tas-sid – 2 Uffiċjali tad-Dwana
• Aċċettazzjoni ta’ oġġetti f’maħżen pubbliku – Uffiċjal tad-Dwana wieħed;
• Aċċettazzjoni ta’ oġġetti f’maħżen privat – Uffiċjal tad-Dwana wieħed;
• Rilaxx ta’ oġġetti minn maħżen pubbliku – Uffiċjal tad-Dwana wieħed;
• Rilaxx ta’ oġġetti minn maħżen privat – Uffiċjal tad-Dwana wieħed;
• Rilaxx għall-Esportazzjoni – Uffiċjal tad-Dwana wieħed;
• Spedizzjoni ta’ TSB/Kontejner/merkanzija miftuħa – Uffiċjal tad-Dwana wieħed;
• Skariku/tagħbija ta’ prodotti tal-fjuwil – 2 Uffiċjali tad-Dwana;
• Spezzjoni ta’ barkuni tal-fjuwil – 2 Uffiċjali tad-Dwana;
• Kontroll tal-iskart tal-fjuwil – Uffiċjal tad-Dwana wieħed;
• Bunkering tal-fjuwil – Uffiċjal tad-Dwana wieħed;
• Eżami għal skop ta’ valutazzjoni – 2 Uffiċjali tad-Dwana;
• Tqabbil ta’ kunsinni T1 – Uffiċjal tad-Dwana wieħed;
• Dmirijiet ta’ skorta – Uffiċjal tad-Dwana wieħed;
• Dmirijiet ta’ protezzjoni f’punti fissi – Uffiċjal tad-Dwana wieħed (sakemm ma jkunx ordnat mod ieħor); u
• Siġillar tal-Kontejners (Awżiljarji tad-Dwana) – Uffiċjal tad-Dwana wieħed;
• Ipproċessar tad-Dikjarazzjonijiet/Dokumenti tad-Dwana barra mill-ħinijiet tal-Uffiċċju – Uffiċjal tad-Dwana wieħed.

• LS 37.05