Informazzjoni għal Vjaġġaturi dwar Dikjarazzjoni ta’ Flus Kontanti

KONTROLLI TAL-FLUS KONTANTI

X’inhuma r-regoli?
Jekk qed tippjana li tidħol f’Malta, titlaq minn Malta jew tgħaddi minn Malta b’€10,000 jew aktar fi flus kontanti (jew l-ekwivalenti tagħhom f’muniti oħra inklużi prodotti użati bħala ħażniet likwidi ħafna ta’ valur) trid tiddikjarahom lill-awtoritajiet doganali.

Min għandu jiddikjara?
Kwalunkwe persuna li tidħol f’Malta jew toħroġ minn Malta, jew li tgħaddi minn Malta u tkun qed iġġorr somma ekwivalenti għal €10,000 jew aktar fi flus kontanti għandha tkun obbligata li tiddikjara tali somma lill-Kontrollur, LS 233.07 

Barra minn hekk, kwalunkwe somma ta’ flus kontanti mhux akkumpanjata tal-valur ta’ għaxart elef euro (€10,000) jew aktar li tkun qed tidħol f’Malta, toħroġ minn Malta, jew tgħaddi minn Malta, għandha tiġi ddikjarata lill-Kummissarju mill-mittent jew mir-riċevitur, jew minn rappreżentant f’isem ir-riċevitur, fi żmien tletin (30) jum mid-data meta l-Kummissarju jitlob dikjarazzjoni ta’ divulgazzjoni.

X’inhuma flus kontanti?

Il-flus kontanti mhumiex biss il-munita. Hemm oġġetti oħra li jitqiesu bħala flus kontanti. Fir-“Regolament dwar il-kontroll tal-flus kontanti” (ara l-Artikolu 2 ta’ (UE) 2018/1672)

Il-flus kontanti huma definiti bħala:

(a) munita;

(b) l-istrumenti negozjabbli għall-portatur;

(ċ) il-komoditajiet li jintużaw bħala ħażniet likwidi ħafna ta’ valur; u

(d) il-kards bi ħlas antiċipat;

Kif tiddikjara?

Jekk tidħol f’Malta jew toħroġ minn Malta, jew tgħaddi minn Malta b’€10,000 jew aktar fi flus kontanti, trid tiddikjarahom lid-Dwana. Trid tuża l-Formola ta’ Dikjarazzjoni ta’ Flus Kontanti tal-UE speċifika.

• Formola ta’ Dikjarazzjoni ta’ Flus Kontanti – UE
• Formola ta’ Dikjarazzjoni ta’ Flus Kontanti Folja Addizzjonali għall-UE
• Formola ta’ Dikjarazzjoni ta’ Flus Kontanti – Mhux tal-UE
• Formola ta’ Dikjarazzjoni ta’ Flus Kontanti Folja Addizzjonali Mhux tal-UE