It-taxpayer charter jispjega x’tista’ tistenna mingħandna u x’inhu mistenni mingħandek. L-għan taċ-charter huwa dak li jrawwem ir-relazzjoni bejn id-dipartimenti tad-Dħul u l-komunita’ li jservu, relazzjoni ta’ fiduċja u rispett reċiproku. Aħna rridu nipprovdulek servizz li jkun ġust, effiċjenti, u li jagħmilhielek faċli biex tieħu l-affarijiet sew. Madankollu, irridu nkunu sodi wkoll ma’ dawk li jippruvaw jevitaw l-obbligi tagħhom b’detriment għall-bqija tal-komunita’ li lkoll nifformaw parti minnha.