Is-settur tal-Avjazzjoni huwa attur sinifikanti fl-iżvilupp ekonomiku lokali b’kontribuzzjoni diretta stmata ta’ 2.5 fil-mija għall-PDG fl-2014 u madwar 5,500 impjieg dirett, li jirrappreżentaw 3.4 fil-mija tal-forza tax-xogħol totali. Leġiżlazzjoni ġdida tat nifs ġdid lill-industrija tal-avjazzjoni ta’ Malta u l-pajjiż ilu jibni b’mod kostanti grupp ta’ servizzi tal-avjazzjoni li jinkludu l-manutenzjoni, id-detenturi taċ-ċertifikat ta’ operatur tal-ajru, it-taħriġ, is-servizzi legali u finanzjarji. Kif deskritt f’għadd ta’ dokumenti ta’ politika tal-Gvern, Malta għandha l-għan li tiżviluppa f’ċentru tal-avjazzjoni komplut li jappoġġa l-ispettru kollu tas-servizzi relatati mal-avjazzjoni.

L-objettiv tar-Regoli dwar Impjiegi Kwalifikanti fl-Avjazzjoni (Taxxa Personali) (L.S. 123.168) huwa li jagħtu viżjoni fit-tul lis-settur sabiex l-operazzjonijiet meħtieġa jkunu mgħammra b’mod adegwat bil-ħiliet meħtieġa u jiġu kkontrollati l-limitazzjonijiet iffaċċjati minħabba disponibbiltà limitata ta’ riżorsi umani.

 

 

•Uffiċjal Kap Eżekuttiv

•Uffiċjal Kap tal-Operazzjonijiet

•Uffiċjal Kap Finanzjarju

•Uffiċjal Kap tar-Riskji

•Uffiċjal Kap Finanzjarju

•Uffiċjal Kap tat-Teknoloġija

•Uffiċjal Kap Kummerċjali

•Uffiċjal Kap tal-Investiment

•Uffiċjal Kap tal-Assigurazzjoni

•Maniġer Responsabbli

•Deputat Maniġer Responsabbli

•Maniġer Ġenerali

•Maniġer tal-Operazzjonijiet tat-Titjiriet

•Persuna Nominata​għall-Operazzjonijiet tat-Titjiriet

•Persuna Nominata għat-Taħriġ

•Operazzjonijiet fuq l-Art

•Persuna Nominata għall-Operazzjonijiet fuq l-Art

•Maniġer tal-Ajrunavigabbiltà Kontinwa

•Persuna Nominata għall-Ajrunavigabbiltà Kontinwa Maniġer tal-Konformità

•Maniġer tas-Sistemi tal-Kwalità

•Maniġer tas-Sikurezza

•Maniġer tad-Dispaċċ tat-Titjiriet

•Maniġer tal-Għalliema

•Kap tal-Kummerċjalizzazzjoni

•Kap tar-Relazzjonijiet Pubbliċi

•Attwarju

•Maniġer tas-Sottoskrizzjoni

•Uffiċjal tal-Ġestjoni tar-Riskji

•Maniġer ewlieni tal-kontijiet

•Koordinatur tal-prodotti

•Koordinatur tal-materjal

•Relatur tal-inġinerija

•Inġinier ajrunawtiku

•Kap tal-Operazzjonijiet ta’ Manutenzjoni

•Żviluppatur tas-Sistemi tal-Avjazzjoni

•Speċjalista Ewlieni tal-Avjazzjoni

 

 

Ir-regoli daħlu fis-seħħ b’effett mill-24 ta’ Mejju 2016 u japplikaw għall-introjtu taxxabbli fis-sena ta’ stima 2017 (sena bażi 2016). Ir-regoli japplikaw għal individwi mhux domiċiljati f’Malta.

L-introjtu individwali minn kuntratt ta’ impjieg kwalifikanti jikkwalifika skont dawn ir-regoli meta jirċevih benefiċjarju f’kariga eliġibbli. Tali introjtu huwa soġġett għal taxxa b’rata fissa ta’ 15% sakemm l-introjtu jammonta għal mill-inqas EUR 45,000 (ħamsa u erbgħin elf ewro) fis-sena. Ir-rata tat-taxxa ta’ 15% tapplika għal perjodu konsekuttiv ta’ ħames snin.

 

Il-perjodu ta’ ħames snin jibda mis-sena meta l-individwu kkonċernat isir taxxabbli f’Malta għall-ewwel darba. F’każijiet fejn l-individwu kien taxxabbli f’Malta iżda ma kienx qed jibbenefika minn din l-Iskema u sussegwentement isir eliġibbli taħt l-Iskema, huwa jista’ jibbenefika biss jekk il-perjodu ta’ ħames snin ma jkunx għadda; il-benefiċċju mbagħad ikun disponibbli għas-snin li jifdal mid-data tal-eliġibbiltà taħt l-Iskema sakemm jgħaddi l-imsemmi perjodu ta’ ħames snin mid-data li fiha jkun sar soġġett għat-taxxa f’Malta għall-ewwel darba.

L-individwi li jkunu għamlu użu mill-benefiċċju taħt din l-iskema jistgħu japplikaw għal żewġ estensjonijiet ta’ ħames snin kull waħda għall-perjodu kwalifikanti.​

 

Individwu jista’ jibbenefika mir-rata tat-taxxa ta’ 15% jekk jissodisfa l-kundizzjonijiet kollha li ġejjin:

a. ikun individwu li jikseb introjtu soġġett għat-taxxa skont l-Artikolu 4(1)(b) tal-Att, li jkun jikkonsisti f’emolumenti pagabbli skont kuntratt ta’ impjieg kwalifikanti, u riċevut għal xogħol jew dmirijiet imwettqa f’Malta, jew għal kwalunkwe perjodu mgħoddi barra minn Malta b’rabta ma’ tali xogħol jew dmirijiet, jew fuq leave matul it-twettiq ta’ tali xogħol jew dmirijiet;

b. ikun protett bħala impjegat skont il-liġi Maltija, irrispettivament mir-relazzjoni legali, għall-fini li jeżerċita xogħol ġenwin u effettiv għal, jew taħt id-direzzjoni ta’, xi ħadd ieħor, jitħallas, u għandu l-kompetenza adegwata u speċifika meħtieġa, kif ippruvat għas-sodisfazzjon tal-awtorità kompetenti;

c. juri għas-sodisfazzjon tal-awtorità kompetenti li għandu l-kwalifiki jew esperjenza professjonali;

d. jiddivulga bis-sħiħ u jiddikjara għall-finijiet tat-taxxa l-emolumenti riċevuti fir-rigward ta’ introjtu minn kuntratt ta’ impjieg kwalifikanti u l-introjtu kollu riċevut minn persuna relatata mal-impjegatur tiegħu li tħallas introjtu minn kuntratt kwalifikanti bħala taxxabbli f’Malta;

e. juri għas-sodisfazzjon tal-awtorità kompetenti li jwettaq l-attivitajiet ta’ kariga eliġibbli; u

f. juri għas-sodisfazzjon tal-awtorità kompetenti li: i. huwa jirċievi riżorsi stabbli u regolari li huma biżżejjed biex imantni lilu nnifsu u lill-membri tal-familja tiegħu mingħajr ma jirrikorri għas-sistema ta’ assistenza soċjali f’Malta;

ii. jirrisjedi f’akkomodazzjoni meqjusa bħala normali għal familja komparabbli f’Malta u li tissodisfa l-istandards ġenerali tas-saħħa u s-sikurezza fis-seħħ f’Malta;

iii. għandu dokument tal-ivvjaġġar validu;

iv. għandu assigurazzjoni tal-mard fir-rigward tar-riskji kollha normalment koperti għaċ-ċittadini Maltin għalih innifsu u għall-membri tal-familja tiegħu; u

v. mhuwiex domiċiljat f’Malta.

 

 

L-applikazzjoni għad-determinazzjoni formali relatata mal-eliġibbiltà trid issir liċ-Chairman, Trasport Malta permezz ta’ din il-formola.

 

Il-benefiċċju jiġi eżerċitat għal kull sena ta’ stima permezz ta’ dikjarazzjoni magħmula fuq il-formola RA21 iffirmata mill-benefiċjarju u approvata minn Transport Malta. Ladarba l-formola tiġi approvata minn Transport Malta, din trid tiġi mehmuża mad-dikjarazzjoni tat-taxxa fuq l-introjtu u sottomessa lill-Uffiċċju tal-Kummissarju tat-Taxxa sad-data tad-dikjarazzjoni tat-taxxa.