Pagamenti għall-Kummissarju tat-Taxxa u Dwana

L-Uffiċċju tal-Kummissarju għat-Taxxa u d-Dwana bħalissa għaddej minn bidliet fil-proċess ta’ amalgamazzjoni tal-VAT u tat-Taxxa fuq l-Income.  Uħud minn dawn il-bidliet qed isiru biex il-klijenti tagħna jkollhom aktar għażliet ta’ kif iħallsu.  L-Uffiċċju tal-Kummissarju għat-Taxxa u d-Dwana jinforma lill-pubbliku li l-pagamenti tat-taxxa għandhom isiru Onlajn (24X7) jew fi kwalunkwe Fergħa ta’ MaltaPost fi flus kontanti (sa €5,000) jew b’ċekk pagabbli lill-MTCA.

Pagamenti tat-Taxxa u tal-VAT Onlajn

Id-dokumenti kollha maħruġa mill-Kummissarju għat-Taxxa u d-Dwana li jinkludu numru ta’ referenza tal-pagament jew riċevuta tal-pagament jistgħu jitħallsu onlajn u tinħareġ konferma awtomatika u immedjata. Il-portal onlajn mtejjeb il-ġdid jista’ jiġi aċċessat permezz ta’ din il-link jew permezz ta’ servizz.gov.mt

Pagamenti tat-Taxxa fuq l-Income għand Malta Post

Il-pagamenti jiġu aċċettati fi kwalunkwe fergħa ta’ MaltaPost BISS meta jkunu akkumpanjati mid-dokumenti relattivi (li jinkludu r-referenza tal-pagament jew ir-riċevuta tal-pagament bil-barcode):

• Taxxa Provviżorja
• Kontribuzzjoni tas-Sigurtà Soċjali
• Taxxa provviżorja/Kontribuzzjoni tas-Sigurtà Soċjali
• Rendikont tal-kontijiet tal-Arretrati
• Dikjarazzjoni tat-Taxxa tal-Awtovalutazzjoni
• Pagamenti tal-FSS flimkien mal-FS5 mimlija kif xieraq
• TA 23 Formola tal-Impjegati Part Time mimlija kif xieraq sad-data tal-għeluq, jiġifieri 21.12.2019

TA 22 u TA 24

• Il-pagamenti jistgħu jsiru għand Malta Post sat-30/04/2020 biss.
• Il-pagamenti li jinkludu l-interessi jistgħu jkomplu jsiru onlajn wara t-30/04/2020 fuq is-sit web tal-MTCA (TA22, TA24). L-interessi jiġu kkalkulati mis-sistema meta timla d-dettalji.
• Il-pagamenti b’ċekk (pagabbli lill-MTCA) wara t-30/04/2020 mibgħuta lill-uffiċċju tal-MTCA se jiġu aċċettati biss jekk jinkludu l-interessi mġarrba.  Kwalunkwe ċekk li jiġi riċevut wara dik id-data li ma jinkludix interessi jintbagħat lura lill-kontribwenti biex jaġġustaw l-ammonti taċ-ċekk biex jinkludu l-interessi.
• F’każ ta’ diffikultà biex tkun taf l-ammont ta’ interessi mġarrba, il-kontribwenti għandhom iċemplu 153 għall-għajnuna.

Minn Settembru 2018:

• Taxxa tal-Kumpanija

Pagamenti tal-VAT għand Malta Post

Il-pagamenti jiġu aċċettati fi kwalunkwe fergħa ta’ Maltapost BISS meta jkunu akkumpanjati mid-dokumenti li ġejjin:

• Dikjarazzjonijiet tal-VAT (inklużi r-rikonoxximenti ta’ sottomissjonijiet Onlajn akkumpanjati minn kopja tad-dikjarazzjoni)
• Avviż ta’ Pagament (l-Artikolu 12)
• Valutazzjonijiet
• Dikjarazzjonijiet tar-Reġistri
• Ritorn tal-kontribuzzjoni EKO (reġim antik fuq l-appliances iżda mhux fuq l-akkomodazzjoni)

Minn Settembru 2018:

• Pagamenti bin-Nifs fir-rigward ta’ LN/107 (Applikazzjoni għal Remissjoni) fejn il-ftehim jinkludi referenza għall-pagament

Id-dokumenti li ġejjin ukoll jistgħu jiġu sottomessi fi kwalunkwe fergħa ta’ MaltaPost mingħajr ħlas:

• Dikjarazzjoni tal-VAT
• Avviż ta’ Pagament (l-Artikolu 12)
• Dikjarazzjoni (l-Artikolu 12)
• Dikjarazzjoni (l-Artikolu 11)

Il-pagamenti kollha ta’ hawn taħt (il-punt 1 sal-punt 5) MA JIĠUX aċċettati minn Maltapost u jekk jitħallsu b’ċekk, dan għandu jsir pagabbli lil MTCA u jintbagħat lil Malta Post plc, PO BOX 2296, Triq Ħal Qormi, il-Marsa

1. Il-pagamenti akkont jistgħu jsiru onlajn (meta tiġi kkwotata r-referenza tal-pagament ta’ perjodu partikolari) jew b’ċekk.
2. Il-Pagamenti bin-Nifs fir-rigward ta’ LN/107 (Applikazzjoni għal Remissjoni) jistgħu jsiru biss b’ċekk fejn il-ftehim MA JINKLUDIX referenza tal-pagament jew barcode.
3. Il-pagamenti tal-Pjanijiet ta’ Impenn jistgħu jsiru biss b’ċekk.
4. Il-multi ta’ kompromess jistgħu jitħallsu biss b’ċekk.
5. Kwalunkwe tip ta’ pagament ieħor jista’ jsir biss b’ċekk.

Il-Kontribuzzjoni EKO (reġim antik fuq appliances iżda mhux fuq l-akkomodazzjoni)

Fir-rigward tad-dikjarazzjonijiet tal-kontribuzzjoni EKO mingħajr pagament, dawn jiġu aċċettati mill-front office ta’ MaltaPost iżda MA JIĠUX rikonoxxuti mal-counter. Dawn imbagħad jintbagħtu lill-back office ta’ Birkirkara fejn kemm l-oriġinali kif ukoll il-kopja jiġu ttimbrati u l-kopja tintbagħat lura lill-Kontribwent bil-posta.

Il-biċċa l-kbira tal-fergħat ta’ Malta Post huma miftuħa għall-pubbliku mit-Tnejn sas-Sibt bejn is-7.30 am u s-1.00 pm.

L-Uffiċċju tal-Flus fil-Blokka 5 ġewwa l-Furjana m’għadux jirċievi pagamenti.

Għal aktar dettalji, ikkuntattja lill-Uffiċċju tal-Kummissarju għat-Taxxa u d-Dwana fuq: [email protected], jew ċempel 153 għaċ-ċittadini jew 144 għan-negozji.