It-trasferimenti ta’ ishma kemm Inter Vivos kif ukoll Causa Mortis huma soġġetti għal taxxa skont l-Att dwar it-Taxxa fuq Dokumenti u Trasferimenti. Il-formoli relattivi u l-valutazzjonijiet tal-ishma normalment jitħejjew minn Kontabilist u għandhom jiġu sottomessi lid-Dipartiment tat-Taxxa Kapitali fuq Trasferimenti. Il-proċess ta’ verifika jsir biex tiġi vverifikata l-korrettezza tal-kalkoli sottomessi.

Jekk il-kumpanija li l-ishma tagħha qed jiġu ttrasferiti għandha proprjetà, il-każ jiġi riferut lil bord intern biex jiddeċiedi jekk jaċċettax il-valuri tal-proprjetà ddikjarata jew le. Jekk il-valuri mhumiex aċċettabbli, il-perit tad-dipartiment jintbagħat biex jistabbilixxi l-valur tas-suq tal-proprjetà. Jekk jinstab kalkolu ħażin jew jekk id-dipartiment isib li l-valur tal-proprjetà ddikjarata huwa inqas minn dak iddikjarat, tiġi adottata l-istess proċedura, bħal fil-każ ta’ Inter Vivos.