Aġġornat l-aħħar: 27/05/2022

Kull min iħaddem, kemm jekk individwu, kif ukoll korporattiva jew korp ieħor ta’ persuni, huma rregolati mir-Regoli dwar Final Settlement System (FSS) (L.S. 372.14). Magħrufin wkoll bħala r-Regoli tal-FSS, dawn ir-regoli jimponu diversi rekwiżiti fuq min iħaddem inkluża s-sottomissjoni ta’ diversi formoli. Filwaqt li huwa obbligatorju għall-min iħaddmu li jridu jissottomettu 10 formoli tal-FS3 jew aktar biex jagħmlu dan online, li jħaddmu b’inqas impjegati xorta jistgħu jagħmlu użu mis-sottomissjoni tal-formola stampata.

L-impjegaturi għandhom jiżguraw li jissottomettu l-formoli kollha meħtieġa b’mod komplet u f’waqtu, skont skadenzi stabbiliti minn qabel, kif stipulat mil-liġi. Din li ġejja hija lista fil-qosor tar-rekwiżiti ta’ rappurtar għall-impjegaturi f’Malta: 

• Japplikaw għal numru tal-PE jew jerġgħu jattivaw numru tal-PE li kellhom qabel

• Jissottomettu formola tal-FS4 dwar l-ingaġġ jew il-bidla tal-istatus tat-taxxa ta’ kwalunkwe impjegat 

• Jissottomettu Parir tal-Pagament ta’ Kull Xahar tal-Pagatur (formola FS5) flimkien ma’ kwalunkwe pagament relattiv 

• Jissottomettu dokumenti Annwali ta’ Rikonċiljazzjoni ta’ Tmiem is-Sena li jirriflettu l-pagamenti kollha tal-impjiegi mwettqa matul is-sena inkwistjoni (formoli FS3 u FS7).