It-Termini u l-Kundizzjonijiet tal-Użu tas-Sit Web tal-AMMINISTRAZZJONI TAT-TAXXA U TAD-DWANA TA’ MALTA (MTCA)

​​​​​Din il-paġna tipprovdi lill-Utenti (Inti/Tiegħek) bit-termini u l-kundizzjonijiet għall-użu tas-sit web tal-MTCA (Aħna), kemm jekk bħala viżitatur kif ukoll jekk bħala utent irreġistrat. Jekk jogħġbok aqra dawn it-termini u l-kundizzjonijiet bir-reqqa qabel tuża dan is-sit web. Meta jużaw dan is-sit web, l-utenti jindikaw li jaċċettaw u jaqblu li jirrispettaw dawn it-termini u l-kundizzjonijiet.

KIF TAĊĊESSA S-SIT WEB

L-aċċess għas-sit web huwa permess temporanjament, u l-MTCA tirriżerva d-dritt li tirtira jew temenda l-informazzjoni u/jew is-servizzi li nipprovdu fuq dan is-sit web mingħajr avviż minn qabel (kif huwa spjegat hawn taħt).

L-MTCA se tuża sforzi raġonevoli biex tiżgura li dan is-sit web ikun disponibbli 24 siegħa kuljum, 7 ijiem fil-ġimgħa. Madankollu, l-MTCA mhux se tkun responsabbli jekk, għal kwalunkwe raġuni, dan is-sit web ma jkunx disponibbli fi kwalunkwe ħin jew għal kwalunkwe perjodu.

Minn żmien għal żmien, l-MTCA tista’ tirrestrinġi l-aċċess għal xi partijiet tas-sit web jew is-sit web sħiħ għall-utenti rreġistrati u/jew għall-viżitaturi.

Meta tuża s-sit web, għandek toqgħod lura milli tagħmel xi ħaġa elenkata taħt it-taqsima “Użi Pprojbiti” ta’ dawn it-termini u l-kundizzjonijiet.

Inti responsabbli biex tagħmel l-arranġamenti kollha meħtieġa biex ikollok aċċess għas-sit web u biex tiżgura li l-persuni kollha li jaċċessaw is-sit web permezz tal-konnessjoni tal-internet tiegħek ikunu konxji ta’ dawn it-termini u l-kundizzjonijiet u jikkonformaw magħhom. 

UŻU TAS-SIT WEB

Dawn it-termini u l-kundizzjonijiet jirregolaw l-aċċess għall-informazzjoni li tittella’ fuq is-sit web u s-servizzi relatati, b’mod partikolari, in-notifiki tas-sit web u/jew l-użu tas-sit web biex jiġu sottomessi formoli ta’ applikazzjoni disponibbli fuq dan is-sit web lill-MTCA.

Partijiet minn dan is-sit web jistgħu jiġu aċċessati permezz tal-e-ID. Għal iktar informazzjoni dwar l-e-ID, żur www.servizz.gov.mt.

Notifiki u Kummenti Awtomatizzati:

Dan is-sit web jista’ joffri s-servizz ta’ notifiki awtomatizzati dwar aġġornamenti ta’ informazzjoni fuq is-sit web. Il-funzjonalità tan-notifiki tippermettilek tagħżel dak li tixtieq tiġi nnotifikat dwaru u meta għandek tiġi nnotifikat dwar bidliet fl-informazzjoni. In-notifiki se jintbagħtu permezz tal-indirizz tal-email ipprovdut minnek.

Jekk f’xi stadju dan is-sit web jista’ joffri karatteristika ta’ kummenti biex tipprovdi interazzjoni bejn l-utenti u s-sid tas-sit web, li tippermetti lill-utenti jintervjenu u jipparteċipaw f’diskussjonijiet relatati mal-informazzjoni li tittella’ fuq is-sit web, l-MTCA tirriżerva d-dritt li tneħħi kummenti li:

• ikun fihom lingwaġġ abbużiv, oxxen, indeċenti jew offensiv jew ikun fihom link għal materjal oxxen jew offensiv;
• ikun fihom kliem ħażin jew tipi oħra ta’ profanità, ikunu kompletament mhux relatati mas-suġġett tal-konverżazzjoni, jew ma jkunux rilevanti għall-oġġett imtella’ fuq il-wall;
• ikun fihom lingwaġġ abbużiv lejn individwu involut fil-konverżazzjoni, organizzazzjonijiet oħra jew l-amministratur tal-paġna;
• jikkostitwixxu spam jew jippromwovu jew jirreklamaw prodotti, ħlief meta jkunu għal avveniment, pubblikazzjoni jew oġġett simili li jkollhom rilevanza diretta għas-suġġett tad-diskussjoni. L-informazzjoni dwar il-lokalizzazzjoni u l-kondiviżjoni tal-għarfien u tal-għarfien espert hija milqugħa iżda fi ħdan id-diskussjoni speċifika pprovduta;
• ikunu mfassla biex jikkawżaw inkonvenjent lill-amministratur tal-paġna jew lil utenti oħra.

 L-MTCA tirriżerva d-dritt li tiddiżattiva l-karatteristika tal-kummenti fi kwalunkwe ħin mingħajr avviż.

Tranżazzjonijiet Online permezz ta’ Formoli Elettroniċi:

Inti tista’ tawtentika l-pjattaforma tal-e-Forms permezz tal-e-ID tiegħek. Bħala Utent irreġistrat, se tkun tista’ tuża l-karatteristiċi li ġejjin:

• timla formoli online (minn hawn ’il quddiem imsejħa “e-Forms”)
• tagħmel pagamenti għall-e-Forms rispettivi
• tehmeż id-dokumenti meħtieġa mal-e-Forms rilevanti qabel tissottomettihom
• tiffirma d-dokumenti u l-e-Forms
• tissottometti l-e-Forms
• issegwi l-e-Forms sottomessi
• tirċievi notifiki dwar l-e-Forms sottomessi
• tara l-istorja tal-e-Forms sottomessi
• tuża mekkaniżmi ta’ gwida u karatteristiċi ta’ għajnuna li jinsabu fuq il-formoli

L-Utenti Rreġistrati għandhom jaqraw it-termini u l-kundizzjonijiet speċifiċi li jirregolaw it-tranżazzjonijiet tal-e-Forms qabel ma jissottomettu e-Form. Dawn it-termini huma disponibbli hawn.

UŻU TAL-APPLIKAZZJONIJIET TAL-MOBILE TAL-MTCA

“App tal-Mobile” tfisser l-applikazzjoni tas-software pprovduta mill-MTCA li tippermetti aċċess għal servizzi tal-Gvern fuq apparati mobbli, inkluż kwalunkwe software jew dokumentazzjoni ta’ parti terza li tippermetti l-użu tal-applikazzjoni tas-software u kwalunkwe aġġornament għaliha li jsiru disponibbli minn żmien għal żmien.

Fil-każ li l-MTCA tniedi applikazzjoni tal-mobile waħda jew aktar se tagħtik liċenzja mhux esklussiva, mhux trasferibbli, mingħajr drittijiet, revokabbli biex tuża l-App tal-Mobile għall-użu personali f’konformità ma’ dawn it-termini u l-kundizzjonijiet, u soġġetta għal kwalunkwe regola jew politika applikata minn kwalunkwe fornitur jew operatur ta’ Appstore li mis-sit tiegħu tniżżel l-App tal-Mobile (“Appstore”).

It-trademarks kollha, id-drittijiet tal-awtur, id-drittijiet tal-bażi tad-data, u drittijiet oħra tal-proprjetà intellettwali ta’ kwalunkwe natura fl-App tal-Mobile, flimkien mal-kodiċi tas-software sottostanti, huma proprjetà jew direttament tal-MTCA jew tal-liċenzjaturi tal-MTCA. L-MTCA ma tbigħx l-App tal-Mobile lill-utent u tibqa’ s-sid tagħha f’kull ħin.

L-App tal-Mobile se tkun disponibbli mingħajr ħlas. L-Utent jista’ juża l-App tal-Mobile iżda ma għandux jerġa’ jbigħ jew iqassam mill-ġdid l-App tal-Mobile għall-profitt. L-MTCA tirriżerva d-dritt li temenda jew tirtira l-App tal-Mobile jew titlob ħlas għall-App tal-Mobile jew għas-servizz ipprovdut lilha f’kull ħin u għal kwalunkwe raġuni.

Kwalunkwe data użata mill-App tal-Mobile għandha tkun soġġetta għat-termini u l-kundizzjonijiet speċifiċi li jirregolaw l-użu mill-ġdid tal-informazzjoni tas-settur pubbliku.

Jekk m’intix il-persuna li tħallas il-kont għall-apparat mobbli li qed jintuża biex jaċċessa l-App tal-Mobile, se jitqies li Inti rċevejt permess mingħand il-persuna li tħallas il-kont biex tuża l-App tal-Mobile. Inti tirrikonoxxi, u għandek tiżgura, li l-persuna li tħallas il-kont tirrikonoxxi, li t-termini ta’ ftehim mal-fornitur tan-network tal-mobile rispettiv tagħha (“Fornitur tal-Mobile”) se jkomplu japplikaw meta tuża l-App tal-Mobile. B’riżultat ta’ dan, il-persuna li tħallas il-kont tista’ ġġarrab tariffi mill-Fornitur tas-Servizz tal-Mobile għall-aċċess għas-servizzi ta’ konnessjoni tan-network għat-tul tal-konnessjoni waqt li taċċessa l-App tal-Mobile, jew kwalunkwe tariffa bħal din ta’ parti terza li tista’ tirriżulta. Inti taqbel, u għandek tiżgura li l-persuna li tħallas il-kont taqbel, li l-persuna li tħallas il-kont taċċetta r-responsabbiltà għal kwalunkwe tariffa bħal din.

Kwalunkwe (a) tentattiv biex tikkopja, tirriproduċi, tibdel, timmodifika, twettaq inġinerija riversa, iżżarma, tiddekompila, tittrasferixxi, tiskambja jew tittraduċi l-App tal-Mobile; jew (b) toħloq xogħlijiet derivattivi tal-App tal-Mobile ta’ kwalunkwe tip, għandu jkun strettament ipprojbit.

 għandhom jużaw l-isforzi raġonevoli kollha biex l-App tal-Mobile tkun kompletament funzjonali a) fejn dan ikun teknikament fattibbli u b) fuq apparati (i) li jitqiesu bħala mainstream; (ii) li jkollhom sistema operattiva mainstream; (iii) li jkollhom is-software kkonfigurat kif appoġġjat mill-bejjiegħ oriġinali tal-apparat; (iv) li jkollhom is-sistema operattiva aġġornata bl-aħħar aġġornamenti.

Il-verżjoni tal-App tal-Mobile tista’ tiġi aġġornata minn żmien għal żmien biex jiżdied l-appoġġ għal funzjonijiet u servizzi ġodda.

L-MTCA ma taċċetta l-ebda tip ta’ responsabbiltà għan-nuqqas ta’ disponibbiltà tal-App tal-Mobile jew kwalunkwe diffikultà jew inkapaċità li tniżżel jew taċċessa kontenut minħabba kwalunkwe att jew ommissjoni tal-Appstore, jew kwalunkwe falliment ieħor tas-sistema ta’ komunikazzjoni li jista’ jirriżulta fin-nuqqas ta’ disponibbiltà tal-App tal-Mobile.

Inti tirrikonoxxi li l-App tal-Mobile tista’ tiġi affettwata minn fatturi li huma lil hinn mill-kontroll raġonevoli tal-MTCA inklużi, iżda mhux limitati għal, l-internet u n-networks tal-mobile li għandhom impatt dirett fuq id-disponibbiltà tal-App tal-Mobile u l-kwalità tal-esperjenza tal-utent.

Minn żmien għal żmien l-aġġornamenti għall-App tal-Mobile jistgħu jinħarġu permezz tal-Appstore. Skont l-aġġornament, jaf ma tkunx tista’ tuża l-App tal-Mobile sakemm ma tkunx niżżilt jew strimjajt l-iktar verżjoni riċenti tal-App tal-Mobile u aċċettajt kwalunkwe termini ġodda.

Aħna nistgħu ntemmu l-użu tal-App tal-Mobile fi kwalunkwe ħin billi nagħtuk avviż minn qabel tat-terminazzjoni. Malli jintemm: (a) id-drittijiet u l-liċenzji mogħtija lilek hawnhekk jintemmu; (b) Għandek twaqqaf l-użu kollu tal-App tal-Mobile.

Mingħajr preġudizzju għat-termini l-oħra dwar il-limitazzjoni tar-responsabbiltà u ċ-ċaħda ta’ responsabbiltà ta’ garanziji stabbiliti, l-MTCA mhijiex responsabbli fil-konfront Tiegħek għal kwalunkwe ħsara jew tibdil fit-tagħmir tiegħek inkluż, iżda mhux limitat għal, tagħmir tal-kompjuter, apparat miżmum fl-idejn jew telefowns mobbli bħala riżultat tal-installazzjoni jew l-użu tal-App tal-Mobile.

L-MTCA ma għandhiex tinżamm responsabbli fil-każ li jseħħu xi ħsarat tekniċi matul l-użu tal-App tal-Mobile li jirriżultaw mit-tniżżil ta’ applikazzjonijiet oħra, kwalunkwe difett tekniku, użu ħażin tal-apparat Tiegħek, ħajja tal-batterija, problemi ta’ konnettività jew kwalunkwe fattur ieħor li jista’ jinqala’ u li huma lil hinn mill-kontroll raġonevoli Tagħna.

UŻI PPROJBITI

Tista’ tuża dan is-sit web biss għal skopijiet legali. Ma tistax tuża dan is-sit web:

• Fi kwalunkwe mod li jikser kwalunkwe liġi jew regolament applikabbli;
• Fi kwalunkwe mod li huwa illegali jew frodulenti, jew li għandu xi skop jew effett illegali jew frodulenti;
• Fi kwalunkwe mod li jista’ jikser id-drittijiet tagħna jew id-drittijiet ta’ partijiet terzi;
• Biex ittella’, tittrażmetti jew ixxerred kwalunkwe informazzjoni, fuq jew permezz tas-Sit web, li tkun oxxena, difamatorja jew b’xi mod jew ieħor, ta’ ħsara;
• Biex tikseb jew tipprova tikseb aċċess mhux awtorizzat għas-Sit web;
• Biex tibdel, tagħmel ħsara jew tinterferixxi mas-Sit web bi kwalunkwe mod;
• Biex tittrażmetti b’mod konxju kwalunkwe data, tibgħat jew ittella’ kwalunkwe materjal li fih viruses, Trojan horses, worms, time-bombs, keystroke loggers, spyware, adware jew kwalunkwe programm ieħor ta’ ħsara, jew kodiċi simili tal-kompjuter iddisinjat biex jaffettwa l-operat ta’ kwalunkwe software jew hardware tal-kompjuter b’mod negattiv;
• Tipprova tikseb aċċess mhux awtorizzat għal kwalunkwe porzjon jew karatteristika tas-servizzi, jew kwalunkwe sistema jew network ieħor konness mas-servizzi jew kwalunkwe server tal-MTCA, jew kwalunkwe wieħed mis-servizzi offruti fuq jew permezz tas-sit web, permezz ta’ hacking, “mining” ta’ passwords jew kwalunkwe mezz illeġittimu ieħor;
• Biex tinvestiga, tiskennja jew tittestja l-vulnerabbiltà tas-sit web, inklużi s-servizzi  jew  kwalunkwe  network konness mas-sit web, u lanqas biex tikser il-miżuri ta’ sigurtà jew ta’ awtentikazzjoni fuq is-sit web, inklużi s-servizzi jew kwalunkwe network konness mas-sit web, inklużi s-servizzi;
• Biex treġġa’ lura t-tfittxija, tittraċċa jew tfittex li tittraċċa s-sors ta’ kwalunkwe informazzjoni dwar kwalunkwe utent jew viżitatur ieħor tas-sit web jew kwalunkwe klijent ieħor tal-MTCA, inkluż kwalunkwe kont ta’ servizz mhux proprjetà tiegħek, jew biex tisfrutta s-sit web jew kwalunkwe servizz jew informazzjoni magħmula disponibbli jew offruta minn jew permezz tas-sit web, bi kwalunkwe mod fejn l-iskop huwa li tiżvela kwalunkwe informazzjoni, inkluż iżda mhux limitat għal identifikazzjoni jew informazzjoni personali, għajr l-informazzjoni tiegħek, kif previst mis-sit web jew kwalunkwe servizz ipprovdut permezz tas-sit web;​
• Biex tiffalsifika l-intestaturi jew b’xi mod ieħor timmanipula l-identifikaturi biex taħbi l-oriġini ta’ kwalunkwe messaġġ jew trażmissjoni li tibgħat lill-MTCA fuq jew permezz tas-sit web jew kwalunkwe servizz offrut fuq jew permezz tas-sit web. Sakemm ma tkunx awtorizzat, ma tistax tiddikjara li inti persuna oħra, jew tirrappreżenta persuna oħra, jew timpersonifika kwalunkwe persuna jew entità oħra.

L-MTCA tirriżerva d-dritt li tiżvela l-informazzjoni personali tiegħek lil kwalunkwe awtorità kompetenti tal-infurzar tal-liġi fil-każ ta’ ksur tal-paragrafu preċedenti.

Meta tuża dan is-sit web inti taqbel ukoll:

• Li ma tirriproduċix, ma tidduplikax, ma tikkopjax jew ma terġax tbigħ xi parti tas-sit web bi ksur tad-dispożizzjonijiet ta’ dawn it-termini u l-kundizzjonijiet
  
• M’għandekx taċċessa mingħajr awtorità, tinterferixxi, tagħmel ħsara jew tfixkel:

(i)      kwalunkwe parti tas-sit web;

(ii)     kwalunkwe tagħmir jew network li fih jinħażen is-sit web;

(iii)    kwalunkwe software użat fil-forniment tas-sit web; jew

(iv)    kwalunkwe tagħmir jew network jew software proprjetà ta’ kwalunkwe parti terza jew użat minnha.

• M’għandek tuża l-ebda “page-scrape”, “robot”, “spider” jew apparat, programm, algoritmu jew metodoloġija awtomatika oħra, jew kwalunkwe proċess manwali simili jew ekwivalenti, biex taċċessa, takkwista, tikkopja jew timmonitorja kwalunkwe porzjon tas-servizzi jew kwalunkwe kontenut ipprovdut permezz ta’ dan is-sit web, jew b’xi mod tirriproduċi jew tevita l-istruttura tan-navigazzjoni jew il-preżentazzjoni tas-servizzi jew kwalunkwe kontenut, biex tikseb jew tipprova tikseb kwalunkwe materjal, dokumenti jew informazzjoni permezz ta’ kwalunkwe mezz mhux disponibbli apposta permezz tas-sit web. Aħna nirriżervaw id-dritt li nwaqqfu kwalunkwe attività bħal din;
• M’għandek tieħu l-ebda azzjoni li timponi tagħbija mhux raġonevoli jew kbira b’mod sproporzjonat fuq l-infrastruttura tas-sit web jew is-sistemi jew in-networks tal-MTCA, jew kwalunkwe sistema jew networks konnessi mas-sit web.
• M’għandek tuża l-ebda apparat, software, jew rutina biex tinterferixxi jew tipprova tinterferixxi mat-tħaddim xieraq tas-sit web, inklużi s-servizzi, jew kwalunkwe tranżazzjoni mwettqa fuq is-sit web ma’ kwalunkwe persuna jew entità oħra li tuża s-sit web, inklużi s-servizzi.
  

LINKS GĦAL SITI WEB OĦRA

Meta s-sit web ikun fih links għal siti u riżorsi oħra pprovduti minn partijiet terzi, dawn il-links jingħataw għall-informazzjoni tiegħek biss.  L-MTCA m’għandha l-ebda kontroll fuq il-kontenut ta’ dawk is-siti jew riżorsi u ma taċċetta l-ebda responsabbiltà għalihom jew għal kwalunkwe telf jew ħsara li tirriżulta mill-użu tiegħek tagħhom. 

LINKS GĦAL DAN IS-SIT WEB

Tista’ tagħmel link għas-sit web, sakemm tagħmel dan b’mod ġust u legali u ma tagħmilx ħsara lir-reputazzjoni tal-MTCA jew tieħu vantaġġ minnha. L-Utent ma għandux jistabbilixxi link b’tali mod li jissuġġerixxi kwalunkwe forma ta’ assoċjazzjoni, approvazzjoni, jew approvazzjoni min-naħa tagħna fejn din ma tkunx teżisti. Aħna nirriżervaw id-dritt li nirtiraw il-permess li jsiru links mingħajr avviż.

Dan is-sit web m’għandux jitqiegħed f’xi sit ieħor.

DRITTIJIET TAL-PROPRJETÀ INTELLETTWALI

L-MTCA hija s-sid jew id-detentur tal-liċenzja tad-drittijiet kollha tal-proprjetà intellettwali f’dan is-sit web u fil-materjal ippubblikat fuqu.  Il-liġijiet u t-trattati tad-drittijiet tal-awtur madwar id-dinja jipproteġu dawk ix-xogħlijiet.  Dawn id-drittijiet kollha huma riżervati.

Tista’ tistampa kopji u tniżżel estratti ta’ kwalunkwe paġna/i mis-sit web għal referenza personali u biex tiġbed l-attenzjoni ta’ oħrajn fi ħdan l-organizzazzjoni tagħhom għal materjal imtella’ fuq is-sit web.

M’għandekx timmodifika l-karta jew il-kopji diġitali ta’ kwalunkwe materjal li stampajt jew niżżilt bl-ebda mod, u m’għandek tuża l-ebda illustrazzjoni, ritratt, sekwenza ta’ video jew audio jew kwalunkwe grafika separatament minn kwalunkwe test li jakkumpanjahom.

Jekk tistampa, tikkopja, jew tniżżel kwalunkwe parti tas-sit web bi ksur ta’ dawn it-termini u l-kundizzjonijiet, id-dritt tiegħek li tuża s-sit web se jieqaf immedjatament, u għandek, fuq l-għażla tal-MTCA, tirritorna jew teqred kwalunkwe kopja tal-materjali li tkun għamilt.

AFFIDABBILTÀ TAL-INFORMAZZJONI MTELLGĦA

Kummentarju u materjali oħra mtellgħa fuq is-sit web mhumiex maħsuba biex jittieħdu bħala pariri li fuqhom tista’ titqiegħed affidabbiltà. Għalhekk aħna niċħdu kull responsabbiltà li tirriżulta minn kwalunkwe dipendenza mqiegħda fuq tali materjali minn kwalunkwe viżitatur fuq is-sit web, jew minn kwalunkwe persuna li tista’ tiġi infurmata bi kwalunkwe kontenut tiegħu.

BIDLIET FIS-SIT WEB

L-MTCA għandha l-għan li taġġorna s-sit web regolarment u tista’ tibdel il-kontenut fi kwalunkwe ħin. L-MTCA tista’ tissospendi l-aċċess għal dan is-sit web jew tagħlqu indefinittivament jekk ikun meħtieġ. Kwalunkwe materjal fuq dan is-sit web jista’ jkun skadut fi kwalunkwe ħin partikolari, u l-MTCA mhijiex responsabbli jekk il-materjal skadut jintuża qabel ma jiġi aġġornat il-kontenut.

COOKIES

Cookie tas-sessjoni hija biċċa data li tinħażen fuq il-kompjuter tiegħek u li tiskadi ladarba tagħlaq il-brawżer tal-internet tiegħek. Is-sit web juża cookies tas-sessjoni biex jidentifika temporanjament l-azzjonijiet tiegħek meta tuża s-sit web, inklużi s-servizzi. Cookie tas-sessjoni hija informazzjoni maħżuna fil-cache tal-brawżer tiegħek li hija disponibbli biss għas-sit web għat-tul tal-ħajja tat-tieqa tal-brawżer (sessjoni) tiegħek meta taċċessa s-sit web jew is-servizzi, u l-ebda sit ieħor ma jista’ jitlob din l-informazzjoni. Meta tuża dan is-sit web jew is-servizzi inti tagħti l-kunsens tiegħek biex taħżen il-cookies fuq il-kompjuter personali tiegħek. Biex tiżgura li d-data maħżuna mill-cookie tas-sessjoni titneħħa mill-cache fuq il-kompjuter personali tiegħek, huwa rrakkomandat ħafna li tagħlaq il-brawżer tiegħek meta tispiċċa tuża s-sit web jew is-servizzi.

SIGURTÀ

L-MTCA mhijiex se tkun responsabbli għal kwalunkwe telf jew ħsara kkawżata minn attakk ta' rifjut ta’ servizz distribwit, viruses jew materjal teknoloġikament ta’ ħsara ieħor li jista’ jinfetta t-tagħmir tal-kompjuter, il-programmi tal-kompjuter, id-data, jew materjal proprjetarju ieħor tiegħek minħabba l-użu tiegħek tas-sit web jew it-tniżżil tiegħek ta’ kwalunkwe materjal imtella’ fuqu, jew fuq kwalunkwe sit web illinkjat miegħu.

LIMITAZZJONI TAR-RESPONSABBILTÀ

Il-materjal li jidher fuq is-sit web huwa pprovdut mingħajr ebda garanzija, kundizzjoni, jew garanzija dwar il-preċiżjoni tiegħu. Sal-punt permess mil-liġi, aħna, kwalunkwe kontributur identifikat (inklużi entitajiet fi ħdan il-Gvern ta’ Malta) u partijiet terzi konnessi magħna b’dan espressament neskludu:

Il-kundizzjonijiet, il-garanziji u t-termini l-oħra kollha li jistgħu b’mod ieħor ikunu implikati bil-liġi.

Kwalunkwe responsabbiltà għal kwalunkwe telf jew ħsara diretta, indiretta, jew konsegwenzjali mġarrba minn kwalunkwe utent b’rabta mas-sit web jew b’rabta mal-użu, l-inabbiltà tal-użu, jew ir-riżultati tal-użu tas-sit web, kwalunkwe sit web illinkjat miegħu u kwalunkwe materjal imtella’ fuqu, inkluż, mingħajr limitazzjoni, kwalunkwe responsabbiltà għal:

• telf ta’ introjtu jew dħul;
• telf ta’ negozju;
• telf ta’ profitti jew kuntratti;
• telf ta’ ffrankar antiċipat; telf ta’ data;
• telf ta’ avvjament;
• ġestjoni jew ħin tal-uffiċċju mitlufa;​

u għal kwalunkwe telf jew ħsara oħra ta’ kwalunkwe tip, irrispettivament minn jekk humiex ikkawżati jew le minn tort (inkluża negliġenza), ksur ta’ kuntratt jew mod ieħor, anki jekk prevedibbli.

Dan ma jaffettwax ir-responsabbiltà tagħna għal kwalunkwe responsabbiltà oħra li ma tistax tiġi eskluża jew limitata skont il-liġi applikabbli.

ĊAĦDA TA’ RESPONSABBILTÀ TAL-GARANZIJI

L-MTCA ma tagħtik l-ebda garanzija jew assigurazzjoni. L-MTCA tiddikjara, u Inti tirrikonoxxi li l-garanziji u l-kundizzjonijiet implikati kollha huma esklużi sal-limitu massimu permess mil-liġi. Għandek tinnota b’mod partikolari:

Is-servizzi pprovduti permezz ta’ dan is-sit web mhumiex maħsuba biex jikkostitwixxu dikjarazzjoni definittiva jew kompluta tal-liġi dwar kwalunkwe suġġett.

Is-servizzi pprovduti permezz ta’ dan is-sit web mhumiex maħsuba biex jikkostitwixxu parir legali fi kwalunkwe sitwazzjoni speċifika.

Dan is-sit web jipprovdi servizzi, inklużi informazzjoni u riżorsi arkivjati li jistgħu jkunu żbaljati jew skaduti.

Is-servizzi pprovduti permezz ta’ dan is-sit web u l-mezzi ta’ konsenja tagħna jistgħu jkunu inkompatibbli mas-software jew mal-konfigurazzjoni tal-kompjuter Tiegħek.

L-MTCA tista’ tibdel jew tirtira parti mis-servizzi, jew is-servizzi kollha, ipprovduti permezz ta’ dan is-sit web fid-diskrezzjoni tagħha.

L-iktar aġġornament riċenti: Frar 2025