Mit-30 ta’ Marzu 2019, 00:00h Ħin tal-Ewropa Ċentrali (CET), ir-Renju Unit se jsir “pajjiż terz”, jiġifieri; pajjiż mhux membru tal-Unjoni Ewropea, u bħala tali l-importazzjonijiet kollha minn, u l-esportazzjonijiet lejn, ir-Renju Unit se jkollhom bżonn ikunu koperti minn dikjarazzjoni Doganali fis-sistemi elettroniċi.

F’dan ir-rigward, id-Dipartiment tad-Dwana qed jappella lil dawk l-operaturi ekonomiċi li jew jinnegozjaw biss mar-Renju Unit, jew li jinnegozjaw esklussivament mar-Renju Unit u mal-Unjoni Ewropea, biex:

• jirreġistraw mad-Dipartiment tad-Dwana biex jiksbu numru ta’ Identifikazzjoni tar-Reġistrazzjoni tal-Operatur Ekonomiku (EORI) billi jibagħtu email fuq:  [email protected] 

• japplikaw għal taħriġ dwar l-użu tas-Sistema Nazzjonali tal-Importazzjoni, u s-Sistema Nazzjonali tal-Esportazzjoni, billi jimlew il-formola/i mehmuża u jibagħtuha permezz ta’ email lit-Taqsima tat-Taħriġ Doganali fuq  [email protected].

L-applikazzjonijiet għandhom jaslu sat-18 ta’ Frar 2019.

Dawk l-operaturi ekonomiċi li beħsiebhom jagħmlu użu mis-servizzi ta’ Sensara Personalizzati biex jippreżentaw id-dikjarazzjoni tal-importazzjoni u l-esportazzjoni tagħhom jistgħu jagħżlu li ma japplikawx għal dan it-taħriġ. Sussegwentement, it-Taqsima tat-Taħriġ Doganali se tinforma lill-applikanti bid-dati li fihom se jsiru l-korsijiet. 

Formola Nazzjonali tal-Importazzjoni
Formola Nazzjonali tal-Esportazzjoni