Trasferiment Inter Vivos Wara Ftehim ta’ Konvenju

Biex isir trasferiment ta’ proprjetà f’Malta, għandu jiġi involut Nutar biex jipproċessa t-tfittxijiet fuq il-proprjetà u jippreżenta l-atti meħtieġa lill-awtoritajiet lokali. In-Nutar normalment jintgħażel mix-xerrej u jkun involut ukoll fl-ipproċessar tal-pagamenti tat-taxxa provviżorja f’isem ix-xerrej.  

Ladarba jiġi ffirmat konvenju, dan għandu jiġi ppreżentat lit-taqsima tat-Taxxa fuq Trasferimenti Kapitali tal-Uffiċċju tal-Kummissarju għat-Taxxa u d-Dwana fi żmien 21 jum. F’dan l-istadju titħallas taxxa provviżorja ta’ 1% mix-xerrej, abbażi tal-prezz tas-suq jew il-valur tat-trasferiment skont il-kuntratt, skont liema jkun l-ogħla. Dan jista’ jiġi spjegat bl-eżempju li ġej:

Ladarba l-pagament jiġi riċevut mit-taqsima tat-Taxxa fuq Trasferimenti Kapitali, tinħareġ irċevuta għal taxxa tal-boll provviżorja lill-kontribwent. L-irċevuta tikkonferma li n-Nutar issottometta kopja tal-konvenju lill-Uffiċċju tal-Kummissarju għat-Taxxa u d-Dwana u li t-taxxa provviżorja tħallset mix-xerrej.

Wara li Kuntratt jiġi Ffirmat

 Mal-iffirmar tal-kuntratt, in-Nutar li jippubblika l-att għandu jissottometti d-dokumenti li ġejjin:

a.       Formola relattiva ‘DDT1’ fit-taqsima tat-Taxxa fuq Trasferimenti Kapitali

L-irċevuti relattivi normalment jinħarġu mhux aktar tard minn 3 ġimgħat mid-data tas-sottomissjoni tal-avviż tat-trasferiment (DDT1) lid-dipartiment.

Fil-każ tax-xerrej, it-talba maħruġa tinkludi t-taxxa dovuta flimkien mat-taxxa addizzjonali (penali) ibbażata fuq id-differenza fil-valur tat-trasferiment tal-proprjetà. It-taxxa tiġi kkalkulata fuq il-valur miżjud mill-perit bir-rata applikabbli bit-taxxa addizzjonali (penali) li hija ekwivalenti għal 20% tat-taxxa dovuta. Barra minn hekk, jekk it-talba ma titħallasx, il-persuna li tirċievi t-trasferiment għandha tkun responsabbli biex tħallas l-interess bir-rata ta’ żero punt sebgħa u ħamsa fil-mija (0.75%) għal kull tletin (30) jum jew parti minnu, liema interess għandu jibda jakkumula wara l-iskadenza ta’ tliet xhur mid-data tan-notifika tal-valutazzjoni oriġinali.

X’jiġri wara Valutazzjoni?

Il-kontribwenti għandhom id-dritt li joġġezzjonaw għal kwalunkwe valutazzjoni maħruġa mill-Uffiċċju tal-Kummissarju għat-Taxxa u d-Dwana. Oġġezzjoni bil-miktub tkun valida biss jekk din tispeċifika r-raġunijiet validi li fuqhom tkun ibbażata u jekk tiġi sottomessa fi żmien tletin jum mid-data tas-servizz tal-valutazzjoni. Jekk ma jintlaħaq l-ebda ftehim dwar l-oġġezzjoni, il-Kummissarju għandu joħroġ rifjut. Ir-rifjut jista’ jiġi appellat quddiem it-Tribunal ta’ Reviżjoni Amministrattiva fi żmien 30 jum mid-data tan-notifika tar-rifjut.

Azzjoni Legali għall-Ġbir mid-dipartiment

Jekk talba ma tiġix solvuta jew ma tiġix oġġezzjonata, id-Dipartiment jista’ jibda azzjoni legali għall-ġbir tat-taxxa u t-taxxa addizzjonali. F’dan l-istadju, it-tariffi legali jibdew jakkumulaw fuq it-talba pendenti.