Sistema ta’ Kontroll tal-Importazzjoni 2 (ICS2)

INWETTQU T-TRASFORMAZZJONI

Freephone
għaċ-ċittadini

153

Numru tat-telefown
għan-negozji

144

Sistema ta’ Kontroll tal-Importazzjoni 2 (ICS2)

L-ICS2 hija sistema ġdida tal-IT maħluqa biex tiġbor data dwar il-merkanzija kollha li tidħol fl-UE qabel il-wasla tagħha. L-Operaturi Ekonomiċi (EOs) se jkollhom jiddikjaraw data dwar is-sikurezza u s-sigurtà lill-ICS2, permezz tad-Dikjarazzjoni fil-Qosor tad-Dħul (ENS).

Is-sistema għandha l-għan li tipproteġi aħjar is-suq uniku tal-Ewropa u ċ-ċittadini tagħha b’miżuri ġodda ta’ sikurezza u sigurtà doganali u se tiffaċilita l-fluss liberu tal-kummerċ permezz ta’ proċessi mtejba ta’ sigurtà doganali mmexxija mid-data, adattati għal mudelli kummerċjali globali.

L-ewwel edizzjoni tal-ICS2 ġiet varata fl-1 ta’ Ottubru 2021, meta din kienet teħtieġ li Maltapost tippreżenta ENS b’informazzjoni li tittella’ qabel biss. Madankollu, it-tieni edizzjoni se teħtieġ li Maltapost, it-trasportaturi bl-ajru u l-ispedizjoniera tal-merkanzija bl-ajru jippreżentaw ENS kompluta għall-merkanzija kollha li tidħol fl-UE. It-tieni Edizzjoni tal-ICS2 se tibda tiġi prodotta fl-1 ta’ Marzu 2023.

Ħarsa ġenerali lejn il-Pjan nazzjonali

Reġistrazzjoni u Implimentazzjoni

Id-Dipartiment tad-Dwana qed jippjana li jniedi s-Sistema ta’ Dħul Nazzjonali (National Entry System, NES) tiegħu f’nofs Ġunju 2023. L-Operaturi Ekonomiċi jistgħu jibdew l-operazzjonijiet tagħhom jew flimkien mad-Dipartiment tad-Dwana jew aktar tard, fil-perjodi ta’ użu predefiniti skont ir-rwol tal-Operaturi Ekonomiċi. Ir-rwoli differenti u l-perjodi tal-varar relatati jinsabu hawn taħt:

It-trasportaturi bl-ajru jistgħu jagħżlu li jibdew joperaw sa mhux aktar tard mill-1 ta’ Lulju 2023
Is-Servizzi Postali, l-Operaturi tal-Air Express u l-Ispedizjoniera bl-Ajru (jiġifieri dawk li joħorġu l-HAWB) jistgħu jagħżlu li jibdew joperaw sa mhux aktar tard mit-2 ta’ Ottubru 2023

Operaturi Ekonomiċi (EOs) li jeħtieġu li jippreżentaw Dikjarazzjoni fil-Qosor tad-Dħul (ENS)

L-Operaturi Ekonomiċi li rreġistraw in-numru EORI tagħhom mad-Dipartiment tad-Dwana ta’ Malta u li jipprovdu servizzi Postali, ta’ Trasport bl-Ajru, ta’ Operaturi tal-Air Express u ta’ Spedizjoniera tal-Merkanzija bl-Ajru (jiġifieri dawk li joħorġu l-HAWB). F’każ li Operatur Ekonomiku jkun irreġistrat ma’ aktar minn Stat Membru wieħed (SM), allura l-Operatur Ekonomiku inkwistjoni jrid jirreġistra l-intenzjonijiet tiegħu fir-rigward tal-operazzjonijiet tal-ICS2 R2 ma’ SM wieħed.

L-Operaturi Ekonomiċi jridu jġibu l-approvazzjoni mid-Dipartiment tad-Dwana ta’ Malta qabel ma jibdew joperaw

L-Operaturi Ekonomiċi li jipprovdu servizzi Postali, ta’ Trasport bl-Ajru, ta’ Operaturi tal-Air Express u ta’ Spedizjoniera tal-Merkanzija bl-Ajru, iridu iġibu l-approvazzjoni mid-Dipartiment tad-Dwana ta’ Malta qabel ma jibdew joperaw. Trid tintbagħat email bl-informazzjoni li ġejja lil [email protected] qabel l-1 ta’ Marzu 2023.

In-Numru EORI (Irid ikun irreġistrat mad-Dipartiment tad-Dwana ta’ Malta)
Isem l-Organizzazzjoni
Id-Dettalji ta’ Kuntatt (Isem, Kunjom, Email u Numru tat-Telefown tal-persuna ta’ kuntatt)
Ir-Rwol tal-Operatur Ekonomiku (Jekk hux Postali, ta’ Trasportatur bl-Ajru, ta’ Operatur tal-Air Express jew ta’ Spedizjonier bl-Ajru)
Informa jekk l-organizzazzjoni tiegħek toperax fi Stat Membru ieħor (Operatur Ekonomiku jista’ jopera f’aktar minn Stat Membru wieħed iżda jirreġistra biss għall-finijiet tal-ICS2 R2 fl-SM fejn huwa stabbilit l-Operatur Ekonomiku)
Id-data li fiha huwa ppjanat li Tibda Topera (it-Trasportaturi bl-Ajru jridu jibdew joperaw sa mhux aktar tard mill-1 ta’ Lulju 2023, filwaqt li l-Operaturi Postali, tal-Air Express u l-Ispedizjoniera bl-Ajru jridu jibdew joperaw sa mhux aktar tard mit-2 ta’ Ottubru 2023)

L-Operaturi Ekonomiċi li jixtiequ jużaw Fornitur ta’ Servizzi tal-IT (ITSP), iridu jinfurmaw lid-Dipartiment tad-Dwana ta’ Malta
L-Operaturi Ekonomiċi li jixtiequ jagħmlu użu minn ITSP iridu jinfurmaw lid-Dipartiment tad-Dwana ta’ Malta dwar dan. Trid tintbagħat email bl-informazzjoni li ġejja lil [email protected].

L-Operatur Ekonomiku jrid jipprovdi
- In-Numru EORI (Irid ikun irreġistrat mad-Dipartiment tad-Dwana ta’ Malta)
- Isem l-Organizzazzjoni
- Id-Dettalji ta’ Kuntatt (Isem, Kunjom, Email u Numru tat-Telefown tal-persuna ta’ kuntatt)
- Ir-Rwol tal-Operatur Ekonomiku (Jekk hux Postali, ta’ Trasportatur bl-Ajru, ta’ Operatur tal-Air Express jew ta’ Spedizjonier bl-Ajru)
- Informa jekk l-organizzazzjoni tiegħek toperax fi Stat Membru ieħor (Operatur Ekonomiku jista’ jopera f’aktar minn Stat Membru wieħed iżda jirreġistra biss għall-finijiet tal-ICS2 R2 fl-SM fejn huwa stabbilit l-Operatur Ekonomiku)
L-Operatur Ekonomiku jrid jiddikjara l-ITSP li jirrappreżentah
- In-Numru EORI tal-ITSP
- Isem l-Organizzazzjoni tal-ITSP
- Id-Dettalji ta’ Kuntatt tal-ITSP (Isem, Kunjom, E-mail u Numru tat-Telefown tal-persuna ta’ kuntatt)
- Id-data li fiha huwa ppjanat li Tibda Topera (it-Trasportaturi bl-Ajru jridu jibdew joperaw sa mhux aktar tard mill-1 ta’ Lulju 2023, filwaqt li l-Operaturi Postali, tal-Air Express u l-Ispedizjoniera bl-Ajru jridu jibdew joperaw sa mhux aktar tard mit-2 ta’ Ottubru 2023)
- In-Numru EORI (Irid ikun irreġistrat mad-Dipartiment tad-Dwana ta’ Malta)
- Isem l-Organizzazzjoni
- Id-Dettalji ta’ Kuntatt (Isem, Kunjom, Email u Numru tat-Telefown tal-persuna ta’ kuntatt)
- Ir-Rwol tal-Operatur Ekonomiku (Jekk hux Postali, ta’ Trasportatur bl-Ajru, ta’ Operatur tal-Air Express jew ta’ Spedizjonier bl-Ajru)
- Informa jekk l-organizzazzjoni tiegħek toperax fi Stat Membru ieħor (Operatur Ekonomiku jista’ jopera f’aktar minn Stat Membru wieħed iżda jirreġistra biss għall-finijiet tal-ICS2 R2 fl-SM fejn huwa stabbilit l-Operatur Ekonomiku)
- Id-data li fiha huwa ppjanat li Tibda Topera (it-Trasportaturi bl-Ajru jridu jibdew joperaw sa mhux aktar tard mill-1 ta’ Lulju 2023, filwaqt li l-Operaturi Postali, tal-Air Express u l-Ispedizjoniera bl-Ajru jridu jibdew joperaw sa mhux aktar tard mit-2 ta’ Ottubru 2023)

L-Operaturi Ekonomiċi jridu jippreżentaw il-pjan tagħhom lid-Dipartiment tad-Dwana ta’ Malta?
L-Operaturi Ekonomiċi jew l-ITSP tagħhom huma meħtieġa jissottomettu l-Pjan Nazzjonali tal-Proġett tal-Operatur Ekonomiku to [email protected]

L-Operaturi Ekonomiċi li japplikaw għal kont tal-utent tal-ICS2 R2
Il-kontijiet tal-utent tal-ICS2 jiġu pprovduti biss ladarba l-formalitajiet kollha elenkati hawn fuq ikunu tlestew mill-Operatur Ekonomiku jew mill-ITSP tiegħu. Informa lid-Dipartiment tad-Dwana ta’ Malta dwar jekk għandekx bżonn kont tal-utent tal-ICS2 fuq [email protected].

Interfaċċa Kondiviża tal-Kummerċjanti (Shared Trader Interface, STI) tal-ICS2

Il-Kummissjoni Ewropea qed tagħti lill-Operaturi Ekonomiċi żewġ alternattivi biex jippreżentaw id-Dikjarazzjonijiet fil-Qosor tad-Dħul (ENSs) tagħhom fir-Repożitorju Ċentrali (CR) tal-ICS2, permezz tal-Interfaċċa Kondiviża tal-Kummerċjanti (STI). L-Operaturi Ekonomiċi jistgħu jagħżlu li jippreżentaw l-ENSs tagħhom permezz tal-komponent tal-Interfaċċa Grafika tal-Utent (Graphical User Interface, GUI) jew permezz tal-komponent tas-Sistema għal Sistema (System-To-System, SToS) tal-STI. Filwaqt li l-għażla tal-GUI tirrikjedi li l-Operaturi Ekonomiċi jippreżentaw l-ENSs manwalment u hija aktar adattata għall-Operaturi Ekonomiċi b’volumi baxxi ta’ movimenti, is-SToS tirrikjedi li l-Operaturi Ekonomiċi jiżviluppaw is-sistema tagħhom stess, li tippermettilhom jippreżentaw l-ENSs awtomatikament. L-ispeċifikazzjonijiet tekniċi għall-iżvilupp u l-integrazzjoni tal-komponent tas-SToS jistgħu jinstabu fir-Riżorsi Informattivi għat-Tieni Edizzjoni tal-ICS2 iktar ’l isfel.

Notifika tal-Wasla (Arrival Notification, AN), Notifika tal-Preżentazzjoni (Presentation Notification, PN) u Ħażna Temporanja (Temporary Storage, TS)

Fl-2023, sistema ġdida, jiġifieri s-sistema tal-AN, il-PN u t-TS se tissostitwixxi s-sistema attwali Manifest. Bħal kull applikazzjoni li tintuża fid-Dipartiment tad-Dwana, l-Operaturi Ekonomiċi se jkunu jistgħu jippreżentaw id-dikjarazzjonijiet tagħhom permezz ta’ komponent tal-Interfaċċa Grafika tal-Utent (GUI). Madankollu, komponent ta’ Sistema għal Sistema (SToS) se jkun disponibbli għall-Operaturi Ekonomiċi li jippreferu jippreżentaw id-dikjarazzjonijiet tagħhom b’mod awtomatiku minflok idaħħlu d-dikjarazzjonijiet tagħhom manwalment permezz tal-komponent ta’ GUI. L-ispeċifikazzjonijiet tekniċi għall-iżvilupp u l-integrazzjoni tal-komponent tas-SToS huma ppjanati li jinħarġu madwar nofs Mejju 2023.

Riżorsi Informattivi għat-2 Edizzjoni tal-ICS2

Implimentazzjoni

Tranżizzjoni ICS2 minn R1 għal R2

Speċifikazzjonijiet Komuni tas-Sistema Teknika

Ittestjar minn Tarf sa Tarf (E2E)

Dokument tal-Organizzazzjoni tal-Ittestjar minn Tarf sa Tarf tat-Tieni Edizzjoni tal-ICS2 għall-Istati Membri u l-Operaturi Ekonomiċi

Ittestjar tal-Konformità (CT)

Materjal ta’ Informazzjoni tal-UE

my account

The form was submitted successfully!