Oġġetti tas-sisa akkumpanjati mill-UE jew minn pajjiżi terzi

Xorb alkoħoliku u prodotti tat-tabakk imħallsa bid-dazju (oġġetti tas-sisa) akkwistati minn individwu privat għall-użu tiegħu/tagħha u ttrasportati personalment minn Stat Membru tal-UE lejn Malta, huma suġġetti għad-dispożizzjonijiet tal-Artikolu 14A tal-Att Dwar Dazju Tas-Sisa (Kapitolu 382) u Artikolu 32 tad-Direttiva tal-Kunsill 2008/118/KE  dwar l-arranġamenti ġenerali għad-dazju tas-sisa.

Il-vjaġġaturi fl-UE għandhom ikunu jafu li l-livelli minimi ta’ gwida applikabbli fl-UE kollha, bħala forma biss ta’ evidenza li tali oġġetti huma maħsuba għall-użu ta’ individwu privat, huma stabbiliti fis-subartikolu 32 (3) tad-Direttiva msemmija hawn fuq.

Xorb alkoħoliku u prodotti tat-tabakk importati għal skopijiet mhux kummerċjali minn persuni li jivvjaġġaw minn pajjiżi mhux tal-UE lejn Malta huma eżentati mid-dazju tas-sisa skont id-dispożizzjonijiet ta’ AL 72 tal-2009 u d-Direttiva tal-Kunsill 2007/74/KE  dwar l-eżenzjoni mit-taxxa fuq il-valur miżjud u mid-dazju tas-sisa ta’ oġġetti importati minn persuni li jivvjaġġaw minn pajjiżi terzi. Tali eżenzjonijiet mid-dazji tas-sisa huma soġġetti għal-limiti kwantitattivi indikati fir-regolamenti 7 u 8 tal-AL 72 tal-2009, jiġifieri, kif ġej:

• 200 sigarett
• 100 sigarri żgħar
• 50 sigarru
• 250g tabakk għat-tipjip
• Litru spirti (alkoħol etiliku li jaqbeż it-22% abv)
• 2 litri likuri, inbid imqawwi, eċċ (mhux aktar minn 22% abv)
• 16-il litru birra
  

DIRETTIVA TAL-KUNSILL 2008/118/KE

MOVIMENT U TASSAZZJONI TA’ OĠĠETTI TAS-SISA WARA IR-RILAXX GĦALL-KONSUM TAQSIMA 1 Akkwist minn individwi privati ​​Artikolu 32

1. Dazju tas-sisa fuq oġġetti tas-sisa akkwistati minn individwu privat għall-użu tiegħu/tagħha stess u ttrasportati minn Stat Membru wieħed għal ieħor minnu/minnha, għandhom jiġu ċċarġjati biss fl-Istat Membru li fih ikunu akkwistati l-oġġetti tas-sisa.
2. Biex jiġi ddeterminat jekk l-oġġetti tas-sisa msemmija f’paragrafu 1 humiex maħsuba għall-użu proprju ta’ individwu privat, l-Istati Membri għandhom iqisu mill-inqas dan li ġej:

    

   (a)    l-istatus kummerċjali tad-detentur tal-oġġetti tas-sisa u r-raġunijiet tiegħu biex iżommhom;

   (b)   il-post fejn jinsabu l-oġġetti tas-sisa jew, jekk ikun il-każ, il-mod ta’ trasport użat;

   (c)    kwalunkwe dokument relatat mal-oġġetti tas-sisa;

   (d)   in-natura tal-oġġetti tas-sisa;

   (e)    il-kwantità tal-oġġetti tas-sisa.
   

3. Għall-finijiet tal-paragrafu 2(e), l-Istati Membri jistgħu jistabbilixxu livelli ta’ gwida, bħala forma ta’ evidenza biss. Dawn il-livelli gwida ma jistgħux ikunu inqas minn:

    

   (a)    Għal prodotti tat-tabakk:
   

   Sigaretti: 800

   Sigarri żgħar (sigarri jiżnu mhux aktar minn 3g kull wieħed): 400

   Sigarri: 200

   tabakk għat-tipjip: 1kg;
   

   (b)   Għal xorb alkoħoliku:

   Spirti: 10 litri,

   Prodotti intermedji: 20 litru,

   Inbid: 90 litru (inkluż il-massimu ta’ 60 litru ta’ nbid frizzanti),

   Birra: 110 litru
   

4. L-Istati Membri jistgħu jipprovdu wkoll li d-dazju tas-sisa għandu jsir dovut fl-Istat Membru tal-konsum fuq l-akkwist ta’ żjut minerali li jkunu diġà ġew rilaxxati għall-konsum fi Stat Membru ieħor jekk dawn il-prodotti jiġu ttrasportati permezz ta’ modi atipiċi ta’ trasport minn individwu privat jew f’ismu.
   

Għall-finijiet ta’ dan il-paragrafu, “mod atipiku ta’ trasport” għandu jfisser it-trasport ta’ fjuwils għajr fit-tankijiet tal-vetturi jew f’tankijiet ta’ fjuwil ta’ riżerva xierqa u t-trasport ta’ prodotti ta’ tisħin likwidu għajr permezz ta’ tankers użati f’isem negozjanti professjonali.

Aġġornat 18/12/2020- Id-Direttorat tas-Sisa tad-Dwana

Artikolu 14A tal-Att dwar Dazju tas-Sisa (Kapitolu 382)

Artikolu 32 tad-Direttiva tal-Kunsill 2008/118/KE

Sub-artikolu 32(3)

AL 72 tal-2009

Direttiva tal-Kunsill 2007/74/KE