• L-imsemmija affarijiet kienu fil-pussess tal-persuni għal perjodu minimu ta’ sitt (6) xhur qabel id-data tal-esportazzjoni;
• Huma maħsuba għall-istess skop fil-post ta’ residenza normali tagħhom;
• Ma jistgħux jiġu mislufa, mikrija, mogħtija bħala garanzija jew mibjugħa qabel sena mid-dħul tagħhom fiċ-ċirkolazzjoni libera fl-UE;
• Iridu jiġu importati f’kunsinni sħaħ jew parzjali jew sitt (6) xhur qabel ma l-persuna tistabbilixxi l-post ta’ residenza tagħha fl-UE jew fi żmien sena wara d-data tal-istabbiliment tagħha f’Malta;
• Ma għandha tingħata l-ebda eżenzjoni għal ikel, alkoħoliċi, prodotti tat-tabakk u oġġetti ristretti (lista aktar ’il quddiem f’dan l-avviż).

L-eżenzjoni tista’ tingħata biss lil persuni:

• Li l-post ta’ residenza tagħhom kien barra mill-UE għal perjodu kontinwu ta’ tnax-il (12) xahar. Trid tingħata prova ta’ dan minn awtorità kompetenti barranija;
• Li jintrabtu li jistabbilixxu l-post ta’ residenza tagħhom fl-UE fi żmien sitt (6) xhur wara l-importazzjoni tal-oġġetti personali.

L-affarijiet personali jinkludu ħwejjeġ, għamara, għodda tas-sengħa li tista’ tinġarr u affarijiet oħra li normalment jinstabu madwar id-dar, roti u muturi, vetturi bil-mutur privati u l-karrijiet tagħhom, karavans tal-kampeġġ, opri tal-baħar għar-rikreazzjoni u ajruplani privati.

Oġġetti ristretti jinkludu drogi, armi tan-nar, materjal pornografiku, materjal indiċenti jew oxxen li jinvolvi tfal, imwies bil-molla u armi offensivi oħra, muniti foloz, trażmettituri tar-radju (walkie talkies, radjijiet CB u ċerti tipi ta’ apparat li jsejjaħ l-għasafar eċċ) mhux approvati għall-użu f’Malta, laħam, tjur jew prodotti oħra tal-annimali, pjanti u prodotti tal-pjanti inklużi siġar u arbuxelli, ħxejjex, frott, basal u żrieragħ; annimali u għasafar kemm jekk ħajjin, mejtin, kif ukoll ibbalzmati, partijiet u oġġetti derivati minn speċijiet protetti inklużi ġlud u fer, avorju, ġilda tar-rettili, qroll iebes u oġġetti magħmula minnhom.

Depożitu fi flus kontanti jinġabar bħala garanzija u jiġi rrimborżat wara sena mid-data tal-aħħar kunsinna ta’ oġġetti personali importata jew sena wara li l-importatur jistabbilixxi r-residenza tiegħu, skont liema data tiġi l-aħħar. Jista’ jiġi rrimborżat ladarba l-importatur juri li attwalment stabbilixxa r-residenza u li qatta’ mill-inqas tnax-il xahar f’Malta fl-aħħar sena, u li l-oġġetti importati ħielsa minn dazji ta’ importazzjoni jkunu għadhom fil-pussess tiegħu.

L-importazzjonijiet ta’ Oġġetti Personali jridu jiġu pproċessati mit-Taqsima tas-Servizzi tal-Klijenti (Dwana).

Kif tiġi rrilaxxata l-merkanzija mid-dwana

Id-dokumentazzjoni li ġejja hija meħtieġa:

1. Il-Passaport(i) Oriġinali (it-tnejn jekk doppju) maħruġ(a) mill-inqas sena qabel l-importazzjoni;
2. L-Avviż tal-Wasla li jkollu l-isem tal-konsenjatarju. (Mhux tal-aġent);
3. Formola tad-DAU mimlija u ffirmata kif xieraq mill-importatur, jew kopja stampata mill-aġent li jkun qed jagħmel id-dikjarazzjoni f’isem l-importatur;
4. Lista tal-oġġetti ppakkjati dettaljata vvalutata u ffirmata mill-importatur;
5. Il-formola tad-Dikjarazzjoni Doganali għad-“Dħul ta’ Oġġetti Personali fit-Territorju Doganali mill-Komunità Ewropea” li trid timtela u tiġi ffirmata mill-importatur u xhud għall-firma;
6. Prova oriġinali ta’ residenza permanenti f’pajjiż ieħor għat-12-il xahar qabel il-wasla f’Malta, minn awtorità kompetenti, jiġifieri Ambaxxata, Impjegatur, Avukat jew Kontabilist;
7. Jekk l-aġent ikun qed jikklerja l-merkanzija f’isem il-konsenjatarju, tkun meħtieġa ittra ta’ awtorizzazzjoni mill-konsenjatarju;
8. Ċertifikat ta’ Reġistrazzjoni (Ċertifikat ta’ Residenza) mingħand l-Amministrazzjoni tat-Taxxa u tad-Dwana ta’ Malta;
9. Jekk sid il-merkanzija jkun għadu ma daħalx fil-pajjiż u jkun qed jagħti Prokura lil xi ħadd ieħor biex jikklerja l-merkanzija tiegħu f’ismu, għandha tiġi ppreżentata prokura li tiddikjara dan ta’ hawn fuq lid-Dwana. Id-dokumentazzjoni kollha msemmija hawn fuq xorta trid tiġi ppreżentata lilna mill-persuna li taġixxi f’ismu. Is-sid imbagħad ikollu sa sitt xhur biex jistabbilixxi r-residenza u jiġi personalment fl-uffiċċju tagħna biex jikklerja d-dokumentazzjoni rilevanti kollha.

L-oriġinali/il-kopja ta’ fattura kummerċjali jew kuntratt ta’ xiri u l-Log Book   huma meħtieġa.  Irid jinkiseb ir-rilaxx minn Transport Malta u l-Pulizija.  Il-valuri jridu jiġu approvati mill-Uffiċjali tal-Valutazzjoni tad-Dwana;

Formola ta’ Dikjarazzjoni Doganali ta’ importazzjoni ta’ vettura bil-mutur privata li għandha timtela u tiġi ffirmata mill-importatur u xhud għall-firma.

• Dgħajsa, Jet Ski: Ċertifikat ta’ reġistrazzjoni u ċertifikat ta’ Konformità CE huma meħtieġa. Il-valuri jridu jiġu approvati mill-Uffiċjali tal-Valutazzjoni tad-Dwana;
• Annimali Domestiċi Ħajjin:  Passaport validu għall-annimali domestiċi, Liċenzja tal-Importazzjoni maħruġa mid-Dipartiment tal-Kummerċ, CITES u BIP. Mal-wasla l-annimal domestiku jrid jiġi eżaminat mill-VET fil-BIP (Post ta’ Spezzjoni fil-Fruntiera) flimkien mad-Dwana. Sir af aktar;
• L-ikel, (għajr il-lista msemmija hawn fuq) irid ikun issiġillat, ippakkjat bil-vakwu u ttikkettat bl-Ingliż.  Trid tinkiseb l-approvazzjoni mill-awtoritajiet tas-saħħa tal-port;
• Inbid, Spirti:  L-importatur jitħalla jimporta 2 litri ta’ nbid tal-mejda bla gass, litru spirti jew likuri qawwija b’aktar minn 22% volum JEW 2 litri ta’ nbid imsaħħaħ, likuri frizzanti jew likuri oħra;
• Armi tan-nar: Il-Liċenzja tal-Importazzjoni maħruġa mid-Dipartiment tal-Kummerċ u l-approvazzjoni mit-Taqsima tal-Ballistika tal-Pulizija huma meħtieġa;
• Oġġetti ġodda huma soġġetti għad-dazju u l-VAT u jridu jiġu ddikjarati fuq il-formola tad-DAU. Il-fatturi huma meħtieġa.

• Prova minn awtorità kompetenti, jiġifieri Impjegatur, Avukat, Nutar eċċ., jew jekk dan ma jistax jinkiseb, Affidavit jiġi aċċettat ukoll.