Reġistrazzjoni tal-FSS għal min iħaddem

Sistema ta’ Pagament Finali

Is-Sistema ta’ Pagament Finali hija metodoloġija ta’ tnaqqis tat-taxxa mfassla biex tipproduċi tnaqqis tat-taxxa preċiż mill-emolumenti. Din il-metodoloġija tiżgura li l-ammont korrett ta’ taxxa jitnaqqas mill-emolumenti grossi hekk kif jiġu riċevuti, u b’hekk titnaqqas l-okkorrenza ta’ rifużjonijiet jew kontijiet tat-taxxa kbar li jirriżultaw mill-istimi tat-taxxa ta’ tmiem is-sena.

Fl-1998 inħolqot is-Sistema ta’ Pagament Finali (FSS) biex tirregola l-ġbir ta’ tali taxxa kif preskritt fl-Artikoli 4(1)(b) u 4(1)(d) tal-ITA. Dawn id-dispożizzjonijiet jimponu taxxa fuq kwalunkwe income fir-rigward ta’: 

• Qligħ jew profitti minn xi impjieg jew kariga, inkluż il-valur ta’ kull benefiċċju pprovdut bis-saħħa ta’ xi impjieg jew kariga; u 
  
• Kwalunkwe pensjoni, ħlas, annwalità jew pagament annwali.

L-Obbligi ta' min iħaddem skont is-Sistema tal-FSS

Kwalunkwe persuna li tħaddem, kemm jekk individwu, kif ukoll jekk korporattiva, jew korp ieħor ta’ persuni, huwa rregolat mir-Regoli dwar Final Settlement System (FSS) (L.S. 372.14) u għandu jikkonforma mar-rekwiżiti kollha tal-leġiżlazzjoni sussidjarja. Skont is-sistema tal-FSS, min jħaddem huma obbligati jnaqqsu t-taxxa tal-FSS u l-Kontribuzzjonijiet tas-Sigurtà Soċjali mis-salarji u l-pagi tal-impjegati tagħhom u jibagħtu dawn il-pagamenti lill-Kummissarju kull xahar. Eżerċizzju ta’ rikonċiljazzjoni ta’ tmiem is-sena jitwettaq minn kull min iħaddem u għandu jitlesta sal-15 ta’ Frar tas-sena ta’ wara biex jiġi żgurat li ma jkun dovut l-ebda bilanċ jew rifużjoni. Din il-proċedura annwali tinvolvi l-ħolqien ta’ FS3s għal kull impjegat u rikonċiljazzjoni tal-pagamenti magħmulin matul is-sena mat-totali annwali għall-impjegati kollha permezz tal-formola FS7. Kull min iħaddem b’10 impjegati jew aktar huma obbligati jissottomettu d-dokumenti tal-FSS ta’ tmiem is-sena tagħhom online. Dawk b’inqas minn 10 impjegati jistgħu jissottomettu d-dokumenti b’mod manwali.​

Proċess tar-Reġistrazzjonijiet 

Kwalunkwe persuna li tħallas salarji jew pensjonijiet hija obbligata tnaqqas it-taxxa minn dawn il-pagamenti f’konformità mar-Regoli tal-FSS. Il-proċess tar-reġistrazzjoni huwa wieħed awtomatizzat u jista’ jiġi aċċessat permezz ta’ waħda minn dawn il-formoli elettroniċi ​skont iċ-ċirkostanzi tal-applikant.