Beneffiċji min Impjieg jew Kariga

“Beneffiċji min Impjieg jew Kariga” tfisser kwalunkwe benefiċċju pprovdut jew meqjus li huwa pprovdut minħabba impjieg jew kariga. Il-bażi għat-tassazzjoni tal-perkaċċi hija l-Artikolu 4(1)(b) tal-Att dwar it-Taxxa fuq l-Income, li japplika għall-qligħ jew il-profitti kollha derivati minn impjieg jew kariga, irrispettivament minn jekk jiġux riċevuti fi flus kontanti jew in natura, u jekk jiġux riċevuti f’termini tal-kundizzjonijiet normali tal-kuntratt ta’ servizz jew permezz ta’ allowance speċjali jew ex gratia. L-introjtu minn impjieg jew kariga rrapportat fid-dikjarazzjonijiet tat-taxxa għandu għalhekk jinkludi l-valur tal-beneffiċji min impjieg jew kariga, u min iħaddem għandhom iqisu l-beneffiċji min impjieg jew kariga pprovduti lill-impjegati tagħhom taħt is-sistema tal-FSS. Il-benefiċjarji li jonqsu milli jiddikjaraw il-beneffiċji min impjieg jew kariga se jkunu soġġetti għal taxxa addizzjonali għal ommissjoni kif ikkontemplat mill-Atti dwar it-Taxxa fuq l-Income. Persuni li jħaddmu li jonqsu milli jirrapportaw il-beneffiċji min impjieg jew kariga kif suppost u fil-ħin se jkunu suġġetti għal penali.

Meta pagament jew benefiċċju ieħor jirrappreżenta premju għal servizzi mogħtija minn persuna, ikun taxxabbli mhux biss meta jiġi pprovdut direttament minn min iħaddem lill-impjegat iżda wkoll meta jiġi pprovdut indirettament, jiġifieri jew minn partijiet terzi jew għal partijiet terzi.

Għalkemm il-perkaċċi għandhom in-natura ta’ introjtu normali għandhom ċerti karatteristiċi li jiġġustifikaw regolamentazzjoni speċjali. Ir-Regoli dwar Benefiċċji minn Impieg jew Kariga (L.S. 123.55) ġew preskritti sabiex:

• Jiġi żgurat li ma jitqajjem l-ebda dubju dwar it-tassazzjoni tal-Beneffiċji min Impjieg jew Kariga,

• Jiġi stabbilit f’liema ċirkostanzi u sa liema punt il-Beneffiċji min Impjieg jew Kariga huma soġġetti għat-taxxa, u

• Jiġi ddeterminat il-valur tagħhom.

Biex taqra iktar dwar il-Perkaċċi, ikklikkja fuq il-link li ġejja biex taċċessa l-Gwida tat-Taxxa fuq il-Perkaċċi. Il-gwida tispjega d-dispożizzjonijiet li jinsabu fir-Regoli dwar Benefiċċji minn Impieg jew Kariga (“ir-Regoli”). Tispjega wkoll kif l-impjegaturi għandhom jagħtu rendikont għall-perkaċċi għall-finijiet tal-Final