Il-Kummissarju tat-Taxxa u d-Dwana jinnotifika li d-dikjarazzjoni tat-taxxa fuq l-income korporattiva elettronika tas-sena ta’ stima 2026 issa hija disponibbli fuq is-servizzi online tagħna. Id-dokument supplimentari fil-każ ta’ Unità Fiskali huwa disponibbli wkoll għat-tniżżil fuq is-servizzi online tagħna.

Għal din is-sena ta’ stima kien hemm il-bidliet importanti li ġejjin għad-dikjarazzjoni tat-taxxa:

Paġna 2 tad-dikjarazzjoni -

• Ġiet miżjuda mistoqsija ġdida b’rabta mar-Regoli dwar Transfer Pricing [L.S.123.207].
• Ġiet miżjuda mistoqsija ġdida b’rabta mar-Regolamenti tal-2025 dwar Taxxa Finali fuq l-Income Mingħajr Imputazzjoni.
• Ġie inkluż kliem addizzjonali fit-Taqsima 8, Mistoqsija 25, u t-Taqsima 9, Mistoqsijiet 4 u 6, biex jiġu indirizzati r-rekwiżiti l-ġodda skont ir-Regoli dwar Eżenzjoni mill-Awditjar [L.S. 372.33].

   

  Paġna 5 tad-dikjarazzjoni –

• It-taqsima relatata mal-qasam tad-dettalji tal-bank tneħħiet. F’każijiet ta’ ħlas żejjed, id-dettalji tal-bank għandhom jiġu pprovduti permezz tat-taqsima “Il-Kont Tiegħi” fuq il-portal tal-MTCA.

Formoli Ġodda biex jiġu Mehmuża mad-Dikjarazzjoni tat-Taxxa-

• TRA 135 – ġiet introdotta minħabba l-pubblikazzjoni tar-Regoli dwar Transfer Pricing [L.S.123.207].
• TRA 136 – ġiet introdotta biex tipprovdi għan-Nefqa Kapitali mġarrba bħala konsiderazzjoni għall-akkwist ta’ permess tan-negozju, konċessjoni, jew kirja kummerċjali [ITA – Artikolu 14(1) (ma)].